ខឹងបងស្រីបន្ទោសរឿងដើរផឹកស្រាស្រវឹងអួទីនួ លេបថ្នាំពុលសម្លាប់ខ្លួននៅក្រោយផ្ទះ
ខេត្តកណ្តាល៖ដោយសារខឹងបងស្រីបង្កើតស្តីបន្ទោសរឿងដើរផឹកស្រាយុវជនម្នាក់បានលេបថ្នាំបំពុលសត្វសម្លាប់ខ្លួនធ្វើឲ្យក្រុមគ្រួសារនិងអ្នកជិតខាងខេត្តកណ្តាល ៖ ដោយសារខឹងបងស្រីបង្កើត ស្តីបន្ទោសរឿងដើរផឹកស្រា យុវជនម្នាក់បានលេបថ្នាំ បំពុលសត្វសម្លាប់ខ្លួន ធ្វើឲ្យក្រុមគ្រួសារ និងអ្នកជិតខាង មានការភ្ញាក់ផ្អើលយ៉ាងខ្លាំង បន្ទាប់ពីប្រទះឃើញ សាកសពជនរងគ្រោះកាលពីវេលាម៉ោង ៦និង១០ នាទីព្រឹក ថ្ងៃទី២០ នៅចំណុចខាងក្រោយផ្ទះ ជនរងគ្រោះប្រមាណ ៣០០ម៉ែត្រ ស្ថិតក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល ។
ជនរងគ្រោះមានឈ្មោះ ទួន ចាន់ថន ហៅចន ភេទប្រុស អាយុ ២៣ឆ្នាំ មុខរបរជាកសិករ បច្ចុប្បន្នស្នាក់នៅផ្ទះ ជាមួយឪពុកម្តាយ ក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល ជនរងគ្រោះបានសម្លាប់ខ្លួន ដោយផឹកថ្នាំបំពុលសត្វ ។ នៅមុនពេលកើតហេតុ វេលារសៀលថ្ងៃទី១៩ ខែមីនា ឆ្នាំ២០១៤ ជនរងគ្រោះបានជិះម៉ូតូ ទៅផឹកស្រាជាមួយមិត្តភក្តិ រហូតស្រវឹងជោកជាំ ទើបត្រឡបើមកផ្ទះវិញ ខណៈពេលមកដល់ផ្ទះ បងស្រីក៏បានស្តីបន្ទោសឲ្យជនសង្ស័យប៉ុន្មានមាត់ ។
ជនរងគ្រោះមានការខឹងសម្បាយ៉ាងខ្លាំង ក៏បានយកដំបងឈើមួយ វាយម៉ូតូម៉ាកហុងដាគុបជ្រុង ពណ៌ទឹកប៊ិច ពាក់ស្លាកលេខភ្នំពេញ ១T-៦៩៣៤ ជាច្រើនដំបង បណ្តាលឲ្យម៉ូតូដួលខូចខាតយ៉ាងដំណំ ។ ក្រោយមកជនរងគ្រោះ ក៏បានដើរចេញពីផ្ទះបាត់ទៅ ដោយពុំដឹងថា ទៅណានោះទេ លុះព្រឹកឡើងថ្ងៃទី២០ ខែមីនា ឆ្នាំ២០១៤ ឪពុកម្តាយ និងបងស្រី បាននាំគ្នាដើររក ក៏បានប្រទះឃើញជនរងគ្រោះ ដេកស្លាប់នៅដីចម្ការ ចម្ងាយប្រមាណ ៣០០ម៉ែត្រពីផ្ទះ និងបានឃើញមានដបទឹកសុទ្ធ ដាក់ថ្នាំបំពុលសត្វ នៅជិតខ្លួនសាកសពទៀតផង៕
Source from: watphnom-news.com
Loading...
Post a Comment