មិនមានករណីប្លន់រថយន្ត នៅលើផ្លូវជាតិលេខ៥ ក្នុងទឹកដីស្រុកសង្កែ ដូចពាក្យចាមអារាម
ខេត្តបាត់ដំបង៖សមត្ថកិច្ចនគរបាលស្រុកសង្កែបានអះអាងថាមិនមានករណីប្លន់រថយន្តនៅលើផ្លូវជាតិលេខ៥ក្នុងទឹកដីស្រុកសង្កែខេត្តបាត់ដំបង ៖ សមត្ថកិច្ចនគរបាល ស្រុកសង្កែ បានអះអាងថា មិនមានករណីប្លន់រថយន្ត នៅលើផ្លូវជាតិលេខ៥ ក្នុងទឹកដីស្រុកសង្កែ ដូចពាក្យចាមអារាម ដែលបានលើកឡើងថា រថយន្តម៉ាកកាមរីឆ្លាម ដឹកឈើគ្រញូង ត្រូវជនប្រដាប់អាវុធមួយក្រុម ជិះរថយន្ត ២គ្រឿង ស្ទាក់ប្លន់កាលពីវេលាម៉ោងជាង ២រំលងអធ្រាត្រ ថ្ងៃទី២៤ ខែមីនា ឆ្នាំ២០១៤ ចន្លោះផ្លូវចូលទួលម្កាត់ និងអូរស្តាស់ ស្ថិតក្នុងភូមិស្រះកែវ ឃុំកំពង់ព្រះ ស្រុកសង្កែ នោះឡើយ។
លោក មួរ ឡាន អធិការរងស្រុកសង្កែ បានអោយដឹងថា លោកបានឭពាក្យចាមអារាមថា រថយន្តដែលត្រូវ ក្រុមប្រដាប់អាវុធប្លន់នោះ ម៉ាកកាមរីឆ្លាម ពណ៌ស តែគ្មានស្លាកលេខ ដែលបើកបរដោយ បុរសម្នាក់ឈ្មោះ ស្រ៊ាង អាយុ ២០ឆ្នាំ និងម្ចាស់រថយន្ត មានឈ្មោះ ហេង មករា ភេទប្រុស អាយុជាង ២០ឆ្នាំ រស់នៅរាជធានីភ្នំពេញ ។ លោកអធិការ បានបញ្ជាក់ថា លោកបានអោយកម្លាំងប៉ុស្តិ៍ ដែលឈជើង តាមផ្លូវជាតិលេខ៥ ក្នុងទឹកដីស្រុកសង្កែ ធ្វើការស្រាវជ្រាវបន្ថែម ចំពោះពាក្យចាមអារម្យនេះ តែមិនឃើញមានករណី ប្លន់នោះឡើយ។
មានការបញ្ជាក់ផងដែរថា កាលពីវេលាម៉ោងជាង ២រំលងអធ្រាត្រ ថ្ងៃទី២៤ ខែមីនា ឆ្នាំ២០១៤ ចន្លោះផ្លូវចូលទួលម្កាត់ និងអូរស្តាស់ ស្ថិតក្នុងភូមិស្រះកែវ ឃុំកំពង់ព្រះ ស្រុកសង្កែ មានរថយន្តតូចៗចំនួន ៣គ្រឿង បានមកឈប់ដោយពួកគេ និយាយរឿងផឹកស្រា រួចប្រកែកគ្នាបន្តិចបន្តួច ហើយឡើងរថយន្ត បើកទៅទិសខាងកើត ទាំងអស់គ្នាបាត់ទៅ ហើយការបើករថយន្តចេញ មិនបង្កសំឡេងផ្ទុះអាវុធ ឬសំឡេងអ្វីដែលនាំឲ្យ មានការភ្ញាក់ផ្អើល ដល់ប្រជាពលរដ្ឋហើយអ្នទាំងនោះ ក៏មិនមានបាត់បង់ អ្វីនោះដែរ៕ ដោយ សុខជា
Source from: watphnom-news.com
Loading...
Post a Comment