ផ្កាយរណបរកឃើញបំណែកនៅសមុទ្រឥណ្ឌា សង្ស័យជាយន្តហោះ MH370 ដែលបាត់ដាន
ប្រទេសអូស្ត្រាលី៖ក្រុមអ្នកជំនាញអូស្ត្រាលីបានឲ្យដឹងថាយន្តហោះជួយសង្គ្រោះជាតិរបស់អូស្ត្រាលីបានប្រទះឃើញបំណែកមួយចំនួនដែលសង្ស័យថាប្រទេសអូស្ត្រាលី ៖ ក្រុមអ្នកជំនាញអូស្ត្រាលីបានឲ្យដឹងថា យន្តហោះជួយសង្គ្រោះជាតិ របស់អូស្ត្រាលី បានប្រទះឃើញ បំណែកមួយចំនួន ដែលសង្ស័យថា ជាបំណែករបស់យន្តហោះម៉ាឡេស៊ី ដែលបាត់ដានអស់រយៈពេល១២ថ្ងៃមកហើយ។ សារព័ត៌មាន Wall Street Journal រាយការណ៍ថា បច្ចេកវិទ្យាផ្កាយរណប របស់អូស្រា្តលី បានរកឃើញបំណែកចំនួន២ នៅក្នុងសមុទ្រឥណ្ឌា ដែលអាចទាក់ទង នឹងយន្តហោះម៉ាឡេស៊ី MH370 ដែលដឹកអ្នកដំណើរ ២៣៩ នាក់ ហើយបាត់ការទាក់ទង។
នាយករដ្ឋមន្ត្រីអូស្ត្រាលី លោក Tony Abbott និយាយនៅថ្ងៃព្រហស្បតិ៍នេះថា យន្តហោះស្វែងរក កំពុងតែនៅលើផ្លូវ ដើម្បីបញ្ជាក់បំណែកនោះ ហើយវាមិនទាន់ច្បាស់លាស់ទេ ថាតើបំណែកនោះ ជាបំណែកយន្តហោះ ដែលបាត់ឬយ៉ាងណា។ ដោយឡែករដ្ឋមន្ត្រី ការពារប្រទេសម៉ាឡេស៊ី លោក Hishammuddin Hussein និយាយថា របាយការណ៍ របស់អូស្ត្រាលី គឺអាចទុកចិត្តបាន តែស្នើឲ្យមានការប្រុងប្រយ័ត្ន នឹងការហក់ចូលសេចក្តីសន្និដ្ឋានណាមួយ។
លោក Hishammuddin Hussein បានបន្តថា បន្ទាប់ពីការប្រកាស របស់លោក Abbott គាត់មិនទាន់ឃើញរូបភាពទេ តែសង្ឃឹមថា នេះជាការវិវឌ្ឍដោយវិជ្ជមានមួយ។ អ្នកនាំពាក្យរបស់ នាយករដ្ឋមន្ត្រីអូស្ត្រាលីម្នាក់ បាននិយាយថា ពួកគេពឹងផ្អែកលើព័ត៌មានទុកចិត្ត ពីរូបភាពផ្កាយរណប ដែលត្រូវបានផ្តល់ឲ្យ។ មន្ត្រីអូស្ត្រាលី គ្រោងនឹងធ្វើសន្និសីទសារព័ត៌មាន នៅរសៀលថ្ងៃព្រហស្បតិ៍ នេះផងដែរ៕
Source from: watphnom-news.com
Loading...
Post a Comment