ប៉ូលីសសេដ្ចកិច្ចបង្ក្រាប ចុះទីតាំងស្ដុកសារធាតុគីមីជាង ៣០តោន និងឃាត់ខ្លួនម្ចាស់ឃ្លាំង
ខេត្តកណ្ដាល៖ឃ្លាំងស្ដុកសារធាតុគីមីមានជាតិពុលមួយកន្លែងដែលមានទីតាំងស្ថិតនៅភូមិលេខ៣ឃុំស្វាយរលំស្រុកស្អាងខេត្តកណ្តាលខេត្តកណ្ដាល ៖ ឃ្លាំងស្ដុកសារធាតុគីមីមានជាតិពុល មួយកន្លែងដែលមានទីតាំង ស្ថិតនៅភូមិ លេខ៣ ឃុំស្វាយរលំ ស្រុកស្អាង ខេត្តកណ្តាល កំពុងធ្វើសកម្មភាពដោយខុសច្បាប់ ត្រូវបាននគរបាល សេដ្ឋកិច្ចក្រសួងមហាផ្ទៃ សហការជាមួយ ស្នងការនគរបាលខេត្តកណ្ដាល និងព្រះរាជអាជ្ញា អមសាលាដំបូងខេត្ត ធ្វើការចុះឆែកឆេររកឃើញ មានចំនួនជាង ៣០តោន ដែលសារធាតុគីមីទាំងនោះ អាចមានជាតិពុល មានទាំងរឹងនិងរាវ ហើយទាំងវត្ថុតាង និងម្ចាស់ឃ្លាំង ផលិតសារធាតុគីមីនេះ ត្រូវបានបញ្ជូនទៅនាយកដ្ឋាន ប្រឆាំងបទល្មើសសេដ្ឋកិច្ចក្រសួងមហាផ្ទៃ ចាត់ការទៅតាមផ្លូវច្បាប់ ។
លោកឧត្តមសេនីយ៍ត្រី ឡុង ស្រេង អនុប្រធាននាយកដ្ឋាន ប្រឆាំងបទល្មើសសេដ្ឋកិច្ចក្រសួងមហាផ្ទៃ បានអោយដឹងថា បន្ទាប់ពីទទួលបានព័ត៌មាន ច្បាស់ការណ៍ពីកំលាំងសម្ងាត់ លោក ក៏បានទទួលបញ្ជា ពីលោកឧត្តមសេនីយ៍ឯក ជា សុមេធី អគ្គស្នងការរងនគរបាលជាតិ និងជាប្រធាននាយកដ្ឋាន ប្រឆាំងបទល្មើសសេដ្ឋកិច្ច ក្រសួងមហាផ្ទៃ ដោយដឹកនាំកំលាំងផ្ទាល់ និងបានសហការ ជាមួយកំលាំងនគរបាលសេដ្ឋកិច្ច ស្នងការខេត្តកណ្ដាល ដោយមានការចូលរួមពីលោកឧត្តមសេនីយ៍ត្រី អ៊ាវ ចំរើន ជាស្នងការ និងលោកព្រះរាជអាជ្ញា អមសាលាដំបូងខេត្តកណ្ដាល។
លោកឧត្តមសេនីយ៍ត្រី ឡុង ស្រេង បានបញ្ជាក់ថា នារសៀលម៉ោង ២ថ្ងៃទី០៩ ខែមេសា ឆ្នាំ២០១៤ កំលាំងចំរុះសំរេច ចូលឆែកឆេរក្នុងឃ្លាំង របស់ជនជាតិចិន ដែលបានលាក់ទុក សារធាតុគីមីខាងលើនេះ ដោយរកឃើញមាន សារធាតុគីមីពុលមួយចំនួន ដូចជា អាស៊ីដពណ៌ខៀវ ចំនួន ៦ធុង ដែលក្នុង ១ធុង ចំណុះ ៣០លីត្រ អាស៊ីដពណ៌ស ចំនួន ២៦ប៊ីដុង មួយប៊ីដុងស្មើ ១០លីត្រ គីមីធុងជ័រ ៦ធុង មួយធុងចំណុះ ៣០លីត្រ។ គីមីម្សៅចំនួន ៦៨៤បាវ ដែលមាន ទម្ងន់ ១៥,៤៨០០ តោន សរុបទាំងអស់ជាង ៣០តោន ទាំងសារធាតុគីមីពុល រឹងនិងរាវ ក្នុងនោះក៏បានឃាត់ខ្លួនម្ចាស់ឃ្លាំង ឈ្មោះ ចាង ស៊ីងកៅ ភេទប្រុស ជាជនជាតិចិន ដែលបានជួលផ្ទះឈ្មោះ ខៀវ សំអាត ស្នាក់នៅភូមិលេខ៣ ឃុំស្វាយរលំ ផលិតជាតិគីមីនេះ៕
Source from: watphnom-news.com
Loading...
Post a Comment