ចែកចាយគ្រឿងញៀនជាងមួយឆ្នាំ ទើបមានភស្តុតាងអាចឃាត់ខ្លួន នាំទៅផ្តន្ទាទោស
ខេត្តបាត់ដំបង៖ដោយមានការឯកភាពពីលោកនួនសានព្រះរាជអាជ្ញានៃសាលាដំបូងខេត្តបាត់ដំបងកម្លាំងនគរបាលខេត្តបាត់ដំបង ៖ ដោយមានការឯកភាពពី លោក នួន សាន ព្រះរាជអាជ្ញា នៃសាលាដំបូងខេត្តបាត់ដំបង កម្លាំងនគរបាល ស្រុកសំពៅលូន បានចុះស្រាវជ្រាវមុខសញ្ញាចាស់ ធ្វើការឃាត់ខ្លួនស្រីម្នាក់ ពេលកំពុងលក់ចែកចាយ គ្រឿងញៀនខុសច្បាប់ និងដកហូតថ្នាំញៀន ចំនួន ៦៥គ្រាប់ កាលពីវេលាម៉ោង ១០និង៣០ នាទីព្រឹកថ្ងៃទី១៦ ខែឧសភា ឆ្នាំ២០១៤ នៅចំណុចក្រុមទី៣ ភូមិពោធិ៍ជ្រៃ ឃុំសិរីមានជ័យ ស្រុកសំពៅលូន។
លោក ឈិត សេង អធិការរង ស្រុកសំពៅលូន បានអោយដឹងថា ស្ត្រីសង្ស័យដែលត្រូវឃាត់ខ្លួន មានឈ្មោះ ឃួន គន្ធា អាយុ ៣៣ឆ្នាំ មានទីលំនៅ ក្នុងភូមិកើតហេតុ បានសារភាពថា ខ្លួនបានរកស៊ីលក់ដូរ រយៈពេល ១ឆ្នាំ កន្លងមកហើយ។ ជនសង្ស័យជាមុខសញ្ញាចាស់ ពីមុនរកភស្តុតាងឃាត់ខ្លួនមិនបាន ទើបតែពេលនេះ មានកម្លាំងសម្ងាត់ចូលបំបែក អាចរកភស្តុតាង ឈានដល់ការឃាត់ខ្លួនតែម្តង។
ទោះជាជនសង្ស័យ មិនឆ្លើយប្រាប់ថា ថ្នាំញៀនទាំងនេះ ទទួលទិញមកពីណាក៏ដោយ សមត្ថកិច្ចនឹងប្រឹងប្រែង ស៊ើបអង្កេតរកមេខ្លោង ដើម្បីនាំយកទៅផ្តន្ទាទោសតាមផ្លូវច្បាប់។ បច្ចុប្បន្នស្ត្រីសង្ស័យឈ្មោះ ឃួន គន្ធា និងវត្ថុតាងថ្នាំញៀន ប្រភេទយ៉ាម៉ា ចំនួន ៦៥គ្រាប់ ត្រូវបានកសាងសំណុំរឿង បញ្ជូនទៅស្នងការដ្ឋាន នគរបាល ខេត្តបាត់ដំបង នាព្រឹកថ្ងៃទី១៧ ខែឧសភាឆ្នាំ២០១៤ ចាត់ការតាមផ្លូវច្បាប់៕
Source from: watphnom-news.com
Loading...
Post a Comment