ដួលរលំរោងអង្គុយកម្សាន្ត នៅរមណីយដ្ឋានទឹកជួរព្រែកកាំពី សងជនរងគ្រោះ ៧៥០ដុល្លារ
ខេត្តក្រចេះ៖រោងអង្គុយកម្សាន្តនៅរមណីយដ្ឋានជួរព្រែកកាំពីបានដួលរលំបណ្តាលឲ្យភ្ញៀវធ្លាក់ឈ្លក់ទឹកជាង៣០នាក់សំណាងល្អខេត្តក្រចេះ ៖ រោងអង្គុយកម្សាន្ត នៅរមណីយដ្ឋានជួរ ព្រែកកាំពី បានដួលរលំបណ្តាលឲ្យ ភ្ញៀវធ្លាក់ឈ្លក់ទឹកជាង ៣០នាក់ សំណាងល្អ គ្មានអ្នករងរបួសនោះទេ តែបាត់សម្ភារៈលុយកាក់ ទូរស័ព្ទស៊េរីទំនើបៗ អាយភេត និងខូចខាតទ្រព្យសម្បត្តិ មួយចំនួនទៀត ហើយម្ចាស់រោងលំហែកាយ បានយល់ព្រមផ្តល់សំណង ជូនភ្ញៀវដែលរងគ្រោះ ៧៥០ដុល្លារ ដើម្បីបញ្ចប់រឿង កាលពីរសៀលថ្ងៃទី១៥ ខែឧសភា ឆ្នាំ២០១៤។
នៅមុនពេលកើតហេតុ មានភ្ញៀវទេសចរ ធ្វើដំណើរពីរាជធានីភ្នំពេញ រួមមាននិស្សិត និងអ្នកទេសចរលក្ខណៈគ្រួសារ ប្រមាណ ៣០នាក់ បានទៅជួលរោង នៅរមណីយដ្ឋានទឹកជួរព្រែកកាំពី អង្គុយកម្សាន្តលំហែកាយ។ ខណៈដែលកំពុង អង្គុយកម្សាន្ត ស្រាប់តែរោងរលំដួល ធ្វើឲ្យភ្ញៀវធ្លាក់ទឹកគ្រប់ៗគ្នា ខានទាំងហូបអាហារ រំខានទាំងអារម្មណ៍ សប្បាយរីករាយថែមទៀត តែ មិនបណ្តាលឲ្យរងគ្រោះថ្នាក់ ដល់ភ្ញៀវទេសចរនោះទេ។
សមត្ថកិច្ចបានបញ្ជាក់ថា ការដួលរលំរោង បណ្តាលមកពី ការសាងសង់ របស់ក្រុមអាជីវករ មិនបានរឹងមាំ ការបោះជើងតាងលើថ្ម ខ្វះការប្រុងប្រយ័ត្ន ហើយនៅពេលភ្ញៀវទៅអង្គុយកម្សាន្ត យោលអង្រឹងខ្លាំង ធ្វើឲ្យញ័ររញ្ជួយរលើងជើងតាង ដួលរលំរោងតែម្តងទៅ។ មានការកត់សម្គាល់ថា រោងលំហែកាយ នៅតំបន់រមណីយដ្ឋាន ទឹកជួរព្រែកកាំពី បានរលំដួលស្ទើររាល់ឆ្នាំ តែមិនដែលបង្កគ្រោះថ្នាក់ ដល់អាយុជីវិត ឬរងរបួស ដល់ភ្ញៀវនោះឡើយ ដោយសារទឹក នៅទីនោះរាក់ៗ៕
Source from: watphnom-news.com
Loading...
Post a Comment