ស្រវឹងជោកជាំជិះម៉ូតូធុនធំជ្រេគេឯងពេញផ្លូវ ជ្រុលទៅបុកគូទឡាន ស៊ីលីកា ដួលសន្លប់ឈឹង
រាជធានីភ្នំពេញ៖យុវជនម្នាក់ក្នុងស្ថានភាពស្រវឹងជោកជាំបានបើកម៉ូតូធុនធំជ្រេគេជ្រេឯងទៅបុកគូទរថយន្តស៊ីលីកាយ៉ាងពេញទំហឹងបណ្ដាលឲ្យរងរបួសធ្ងន់កាលពីវេលាម៉ោងរាជធានីភ្នំពេញ ៖ យុវជនម្នាក់ក្នុងស្ថានភាពស្រវឹងជោកជាំ បានបើកម៉ូតូធុនធំ ជ្រេគេជ្រេឯងទៅបុកគូទរថយន្ត ស៊ីលីកា យ៉ាងពេញទំហឹង បណ្ដាលឲ្យរងរបួសធ្ងន់ កាលពីវេលាម៉ោង ២និង១៥ នាទីរំលងអធ្រាត្រ ឈានចូលថ្ងៃទី១៦ខែឧសភា នៅចំណុចមហាវិថី ព្រះមុនីវង្ស កែងផ្លូវលេខ២៤០ សង្កាត់ចតុមុខ ខណ្ឌដូនពេញ។
សាក្សីបានឲ្យដឹងថា នៅវេលាកើតហេតុ គេឃើញយុវជនម្នាក់ ប្រហែលទើបចេញពីស៊ីផឹក មានសភាពស្រវឹងធ្លាក់ភ្នែក បានបើកម៉ូតូធុនធំម៉ាក CBR ពណ៌ខ្មៅ លាយក្រហម អត់មានស្លាកលេខ បើកជ្រេគេជ្រេឯង តាមមហាវិថីព្រះមុនីវង្ស ពីត្បូងទៅជើង លុះមកដល់កន្លែងកើតហេតុ ក៏ជ្រុលទៅបុកគូទរថយន្តស៊ីលីកា ពណ៌ស ពាក់ស្លាកលេខ ព្រះសីហនុ 2A 3766 ជិះគ្នា៣នាក់ ស្រីម្នាក់ និងប្រុស ២នាក់ បើកបរស្របគ្នា យ៉ាងពេញទំហឹង បណ្ដាលឲ្យអ្នកបើកម៉ូតូដួលបោក នឹងកញ្ចក់រថយន្ត ផ្លោងរងរបួសធ្ងន់។
ចំណែកម៉ូតូ ត្រូវរងការខូចខាតទាំងស្រុង រីឯរថយន្ត បែកកញ្ចក់ផ្ទាំងក្រោយ ព្រោះម៉ូតូបង្កបានជិះលឿនខ្លាំងណាស់ មកបុករថយន្តពីក្រោយទាំងកំរោល ធ្វើឲ្យរថយន្តស្រុញ មួយកំណាត់ខាងក្រោយ។ រីឯម៉ូតូដួលបែកខ្ចាត់ខ្ចាយ នៅច្រងាងកណ្តាលថ្នល់ ធ្វើឲ្យអ្នកបើកម៉ូតូរងរបួសធ្ងន់ ហើយក្រោយពេលកើតហេតុ អ្នកបើកម៉ូតូដែលរងរបួសធ្ងន់ ត្រូវរថយន្តសង្គ្រោះ ដឹកយកទៅព្យាបាល នៅមន្ទីរពេទ្យ កាល់ម៉ែត ភ្លាមៗផងដែរ៕
Source from: watphnom-news.com
Loading...
Post a Comment