សប្បាយក្លាយជាទុក្ខ ផឹកស៊ីជួបជុំបងប្អូន ទាញក្បាលមេក្រូច្រៀងកម្សាន្ត ឆក់ស្លាប់ភ្លាមៗ
ខេត្តបាត់ដំបង៖ស្ត្រីម្នាក់បានដួលស្លាប់ភ្លាមមួយរំពេចដោយសារឆក់ក្បាលមេក្រូនៅក្នុងលំនៅដ្ឋានរបស់ខ្លួនខណៈដែលមានការជួបជុំបងប្អូនហូបចុកបន្តិចបន្តួចហើយស្ត្រីរងគ្រោះដែលទើបតែចេញពីបន្ទប់ទឹកបានដើរទៅចាប់មេក្រូខេត្តបាត់ដំបង ៖ ស្ត្រីម្នាក់បានដួលស្លាប់ភ្លាមមួយរំពេច ដោយសារឆក់ក្បាលមេក្រូ នៅក្នុងលំនៅដ្ឋានរបស់ខ្លួន ខណៈដែលមានការជួបជុំបងប្អូន ហូបចុកបន្តិចបន្តួច ហើយស្ត្រីរងគ្រោះដែលទើបតែចេញពីបន្ទប់ទឹក បានដើរទៅចាប់មេក្រូបំរុងច្រៀងខារ៉ាអូខេ ក៏ត្រូវឆក់ស្លាប់កាលពីថ្ងៃទី២០ ខែឧសភា ឆ្នាំ២០១៤ វេលាម៉ោង ១០យប់ នៅភូមិ-ឃុំតាប៉ុន ស្រុកសង្កែ ខេត្តបាត់ដំបង។
បុរសជាប្តីឈ្មោះ សួរ បូរ អាយុ ៤២ឆ្នាំ រស់នៅត្រង់ចំណុចកើតហេតុ និងមានកូនចំនួន ៤នាក់ក្នុងបន្ទុក បានឲ្យដឹងថា នៅល្ងាចថ្ងៃកើតហេតុ គាត់ជាមួយនិងសាច់ញាតិបងប្អូន បានជួបជុំគ្នា ហូបចុកលេងនៅក្នុងផ្ទះ ដោយដាក់ខារ៉ាអូខេ ច្រៀងលេងកំសាន្ត ហើយនោះភរិយារបស់គាត់ឈ្មោះ នូវ ផល្លី អាយុ ៤៤ឆ្នាំ ដែលទើបតែចេញចូល ក្នុងផ្ទះបាយនិងបន្ទប់ទឹក ក៏បានដើរទៅចាប់ក្បាលមេក្រូ បំរុងច្រៀងលេង ក៏ស្រាប់តែមានការឆ្លងចរន្ត ឆក់ដួលស្លាប់ភ្លាមមួយរំពេច។
ភ្លាមៗនោះសាច់ញាតិ មានការភ្ញាក់ផ្អើលយ៉ាងខ្លាំង ហើយបានបញ្ចប់កម្មវិធី ដើម្បីរាយកាណ៍ទៅសមត្ថកិច្ច ចុះមកត្រួតពិនិត្យ។ បុរសជាប្តីបានធ្វើការសន្និដ្ឋានថា ទំនងជាពេលនោះ ដៃរបស់ភរិយារបស់គាត់ មានសភាពសើម ព្រោះទើបនឹងចេញពីបន្ទប់ទឹក ដែលអាចឆ្លងម៉ាស់បានយ៉ាងងាយ។ ការស្លាប់របស់នារីរងគ្រោះ បានបន្សល់ទុកនូវ កូនប្រុសស្រីចំនួន ៥នាក់ កំព្រាតែលតោល គ្មានទីពឹង មិនខុសពីពាក្យចាស់ ដែលបានពោលថា សប្បាយក្លាយជាទុក្ខនោះទេ៕
Source from: watphnom-news.com
Loading...
Post a Comment