បុករះម៉ូតូ រ៉ឺម៉ក និងរថយន្តរបួសមនុស្ស ហើយព្យាយាមបើករត់ទៅបុក ខឿនស្ពានអាកាស
រាជធានីភ្នំពេញ៖រថយន្តកូរ៉ូឡាបើកបុករះម៉ូតូនិងរថយន្តរួចបុកស្លាកសញ្ញាបង្ហាញទិសដៅចរាចរណ៍តែរថយន្តនៅមិនទាន់អស់ល្បឿនបានជ្រុលទៅបុករាជធានីភ្នំពេញ ៖ រថយន្តកូរ៉ូឡា បើកបុករះម៉ូតូ និងរថយន្ត រួចបុកស្លាកសញ្ញា បង្ហាញទិសដៅចរាចរណ៍ តែរថយន្តនៅមិនទាន់អស់ល្បឿន បានជ្រុលទៅបុក ខឿនចិញ្ចើមផ្លូវ នៅខាងក្រោមស្ពានអាកាសក្បាលថ្នល់ ទើបទៅមុខលែងរួចចំណែកអ្នកបើករថយន្ត រងរបួសបែកក្បាល កាលពីម៉ោង ៩យប់ ថ្ងៃទី១១ ខែឧសភា ឆ្នាំ២០១៤ នៅចំណុចផ្លូវបំបែកភ្លើងស្តុប ច្រមុះជ្រូកក្បាលថ្នល់ ស្ថិតក្នុងសង្កាត់ ផ្សារដើមថ្កូវ ខណ្ឌចំការមន។
សាក្សីបានឲ្យដឹងថា គេឃើញរថយន្តម៉ាកតូយ៉ូតា កូរ៉ូឡា ពាក់ស្លាកលេខ ភ្នំពេញ 2L-3877 បើកបរដោយបុរសម្នាក់ ធ្វើដំណើរតាមផ្លូវព្រះមុនីវង្ស ក្នុងទិសដៅ ពីជើងទៅត្បូង។ ខណៈមកដល់ចំណុច ភ្លើងស្តុបបូកគោ រថយន្តបានប៉ះជាមួយ ម៉ូតូស៊ុយស៊ូគីនិក បណ្តាលឲ្យអ្នកជិះម៉ូតូ រងរបួសស្រាល។ រថយន្តមិនព្រមឈប់ នៅកន្លែងកើតហេតុ ដើម្បីដោះស្រាយគ្នាទេ គឺបានព្យាយាមបើករត់ រហូតមកដល់ចំណុចផ្លូវបំបែកភ្លើងស្តុប ច្រមុះជ្រូកក្បាលថ្នល់ រថយន្តបានជ្រុលប៉ះម៉ូតូស្មាស់ បណ្តាលឲ្យយុវជនម្នាក់ រងរបួសស្រាល។
ដោយសារមិនទាន់អស់ល្បឿន រថយន្តបានជ្រុលទៅបុក ម៉ូតូស្មាស់មួយគ្រឿងទៀត គៀបជាប់នឹងរនាំងដែក ចែកទ្រូងផ្លូវ បណ្តាលឲ្យបាក់ស្លាកសញ្ញា ប្រាប់ទិសរាបដល់ដី។ ចំណែករថយន្តបង្កបានព្យាយាម បើករត់ទៅបុក ម៉ូតូសណ្តោងរ៉ឺម៉កក្រឡាប់ បណ្តាលឲ្យអ្នកបើករ៉ឺម៉ក រងរបួសស្រាល ហើយរថយន្តជ្រុលទៅបុក រថយន្តរ៉េវហ្វរ ពីក្រោយមួយគ្រឿងទៀត។ ទីបំផុតរថយន្តបង្ក បានបើករត់ទៅបុកខឿនចិញ្ចើមផ្លូវ នៅខាងក្រោមស្ពានអាកាសក្បាលថ្នល់ គៀបជាប់ទៅមុខលែងរួច បណ្តាលឲ្យអ្នកបើករថយន្ត រងរបួសបែកក្បាល ត្រូវបានគេដឹកទៅសង្គ្រោះនៅមន្ទីរពេទ្យបាយ័ន៕
Source from: watphnom-news.com
Loading...
Post a Comment