ស្រវឹងជោកជាំបើកឡានទៅបុក ២នាក់ប្តីប្រពន្ធរងរបួសធ្ងន់ និងជ្រុលទៅបុកផ្ទះអ្នកស្រុក
ខេត្តកណ្តាល៖ប៉ូលិសស្រុកស្អាងបានចាប់ឃាត់ខ្លួនបុរសម្នាក់បន្ទាប់ពីបើករថយន្តក្នុងស្ថានភាពស្រវឹងជោកជាំជ្រុលទៅបុកអ្នកដំណើរពីរនាក់ប្តីប្រពន្ធបណ្តាលឲ្យរងរបួសធ្ងន់ ខេត្តកណ្តាល ៖ ប៉ូលិសស្រុកស្អាង បានចាប់ឃាត់ខ្លួនបុរសម្នាក់ បន្ទាប់ពីបើករថយន្ត ក្នុងស្ថានភាពស្រវឹងជោកជាំ ជ្រុលទៅបុកអ្នកដំណើរ ពីរនាក់ប្តីប្រពន្ធ បណ្តាលឲ្យរងរបួសធ្ងន់ និងជ្រុលទៅបុក ផ្ទះប្រជាពលរដ្ឋម្នាក់ទៀត បណ្តាលឲ្យខូចខាត កាលពីវេលាម៉ោង ជិត ១០យប់ ថ្ងៃទី១១ ខែឧសភា ឆ្នាំ២០១៤ នៅចំណុចផ្លូវកោង ផ្លូវលេខ២១ ស្ថិតក្នុងភូមិព្រែកតាជ្រូក ឃុំព្រែកគយ ស្រុកស្អាង តែសំណាងល្អម្ចាស់ផ្ទះ និងតៃកុងរថយន្តបង្ក មិនមានគ្រោះថ្នាក់ទេ។
ជនរងគ្រោះឈ្មោះ អឿង ប្រុសហាន អាយុ ២៣ឆ្នាំ ជាប្តី និងប្រពន្ធឈ្មោះ លន សៀងលុយ អាយុ ២០ឆ្នាំ រស់នៅភូមិឃុំកើតហេតុ មុខរបរជាកម្មករ រោងចក្រកាត់ដេរ ទាំងពីរនាក់ ប្តីប្រពន្ធ។ តៃកុងរថយន្តបង្កឈ្មោះ ណា ណាង ភេទប្រុស អាយុ ២៣ឆ្នាំ មុខរបរអ្នកបើកបររថយន្ត រស់នៅ ភូមិព្រែកសែម ឃុំសំពៅពូន ស្រុកកោះធំ បើកបររថយន្តម៉ាក Hyundai ពណ៌ប្រផេះ ពាក់ស្លាកលេខ កណ្តាល 2A-2803។ ចំណែកម្ចាស់ផ្ទះរងគ្រោះ ឈ្មោះ សេង គាង ភេទស្រី អាយុ៤៣ឆ្នាំ មុខរបរលក់ដូរនៅ ភូមិឃុំកើតហេតុ៕
Source from: watphnom-news.com
Loading...
Post a Comment