តំណាង​ក្រុមហ៊ុន អាន​កូ និង​ប្រជាពលរដ្ឋ ជជែក​ដេញដោល​គ្នា ពី​បញ្ហា​កុង​ទ័​រ​មិន​ប្រក្រតី

Daily News, In Khmer, sex, Sexy, Social News

5/13/2014 02:00:00 PM

តំណាងក្រុមហ៊ុន អានកូ និងប្រជាពលរដ្ឋ ជជែកដេញដោលគ្នា ពីបញ្ហាកុងទ័រមិនប្រក្រតី

ក្រុងប៉ោយប៉ែត៖អាជ្ញាធរក្រុងក្រុមប្រឹក្សាក្រុងសមត្ថកិច្ចបានអញ្ជើញតំណាងក្រុមហ៊ុនអគ្គិសនីអានកូព្រមទាំងប្រជាពលរដ្ឋជាច្រើននាក់

ក្រុងប៉ោយប៉ែត ៖ អាជ្ញាធរក្រុង ក្រុមប្រឹក្សាក្រុង សមត្ថកិច្ចបានអញ្ជើញ តំណាងក្រុមហ៊ុនអគ្គិសនី អានកូ ព្រមទាំងប្រជាពលរដ្ឋ ជាច្រើននាក់ មករកដំណោះស្រាយ ពីបញ្ហាចរន្តអគ្គិសនី និងកុងទ័រ មិនប្រក្រតី នៅក្នុងសាលប្រជុំ សាលាក្រុងប៉ោយប៉ែត កាលពីព្រឹកថ្ងៃទី១២ខែឧសភា ឆ្នាំ២០១៤ បន្ទាប់ពីអ្នកស្រុក បាននាំគ្នាតវ៉ា កាលពីប៉ុន្មនាថ្ងៃមុននេះ។

លោក សុខ ខេង តំណាងក្រុមហ៊ុន អគ្គីសនីអានកូ មានតួនាទីជាជំនាញ បច្ចេកទេស អគ្គីសនីបានថ្លែងថា គឺដោយសារវត្ថុ មានសាធាតុម៉ាស់ ប៉ះទង្គិចនិងខ្សែរចរន្តអគ្គីសនី អាកាសធាតុក្តៅ ឬប្រសិនជា មានករណី រថយន្ត បុកប៉ះបង្គោលភ្លើង ខ្សែរតជាប់ចរន្ត គឺរលត់រហូត ប្រមាណជាមួយនាទី ទើបចរន្តតភ្ជាប់ ដោយស្វ័យប្រវត្តិវិញ បើមិនធ្វើបែបនេះ អាចបង្កគ្រោះថ្នាក់ ។ លោកបានបន្ត ប្រសិនជាក្នុងផ្ទះ មានម៉ាស៊ីនត្រជាក់វិញ យើងត្រូវបើកម៉ាស៊ីនលេខ១៦ អង្សារសេ ទើបត្រជាក់ វាក៏អាចភ្លើងខ្លាំង ណាមួយនៅស្រុកយើង ក្នុងខែមិនា ខែមេសានេះ គឺមានកំណើនឡើងយ៉ាងខ្លាំង ជាពិសេអាកាសធាតុក្តៅខ្លាំង ទើបមានការ ប្រើភ្លើងអស់ច្រើន។

បើតាមសំដីប្រជាពលរដ្ឋ នៅក្នុងសាលប្រជុំ បានលើកឡើងថា ខាងក្រុមហ៊ុនអគ្គិសនីអានកូមិនយោគយល់ ចំពោះពួកគាត់ឡើយ ជាពិសេសភ្លើងអគ្គិសនី ពួកគាត់ចូលរាល់ថ្ងៃនេះ គឺមានការឡើងទ្វេគុណ ២ទៅ៣ដង ធ្វើឲ្យពួកគាត់មិនអាច ទទួលយកបានឡើយ។ ក្នុងនោះដែរលោក ង៉ោ ម៉េងជ្រួន អភិបាលក្រុងប៉ោយប៉ែត បានថ្លែងថា គឺមានតែធ្វើការ សម្របសម្រួលរវាងពលរដ្ឋ និងក្រុមហ៊ុនចចារគ្នា អោយច្បាស់លាស់ មិនចង់អោយយល់ច្រឡំ ទោះបីជាយ៉ាងណាក៏ដោយ មិនចង់ឲ្យមាន ការប្រឈមមុខដាក់គ្នា។ លោកអភិបាលក្រុង បានបន្តថា នេះជាការចរចារគ្នា ត្រូវលោកនិងធ្វើលិខិតមួយច្បាប់ ដើម្បីស្នើរសុំឲ្យខាង អគ្គីសនិកម្ពុជា ចុះមកត្រួតពិនិត្យចំពោះបញ្ហា កុងទ័រគីឡូវ៉ាត ភ្លើងនិមួយៗ ឡើងវិញ ដើម្បីរកឲ្យឃើញថា តើគីឡូវ៉ាត ក្រុមហ៊ុនអគ្គិសនី អាកូ ត្រឹមត្រូវដែរឬទេ។

លោកអភិបាលក្រុងបានបន្ថែមថា សូមខាងក្រុមហ៊ុនអគ្គិសនីអានកូ មេត្តាជួយភ្ជាប់ចរន្តអគ្គីសនី ឲ្យបានលឿនក្នុងការស្នើរសុំ ពីប្រជាពលរដ្ឋ ឬអាជ្ញាធរដែនដី សូមបុគ្គលិតទាំងអស់ ត្រូវនិយាយស្តីឲ្យបានទន់ភ្លន់ ស្លូតបូត ។ សូមអោយដាក់កន្លែង សម្រាប់ប្រជាពលរដ្ឋ មកបង់ប្រាក់ ថ្លៃអគ្គិសនីឲ្យបានច្រើនជាងនេះ និងមិនចង់ឲ្យពលរដ្ឋ ខាតពេលវេលាច្រើន ដូចសព្វថ្ងៃ នេះទេ។ ប្រជាពលរដ្ឋមកធ្វើការតវ៉ា រឿងក្រុមហ៊ុនអគ្គិសនី កាលពីថ្ងៃទី៩ ខែឧសភា ទើបអាជ្ញាធរ អញ្ជើញភាគីទាំងសងខាង មកសម្របសម្រួល នៅសាលាក្រុងប៉ោយប៉ែត៕ ដោយ ចិន្តា