លោក សុខ រ័ត្ន មេប៉ូលីសសេដ្ឋកិច្ចក្រសួង ប្រចាំខេត្តរតនគិរី ក៏មានឈ្មោះក្នុងបញ្ជីខ្មៅ ដែលប្រើតួនាទីប្រមូលលុយ ពីជំនួញឈើខុសច្បាប់
រាជធានីភ្នំពេញ៖ជារឿងគួរឲ្យភ្ញាក់ផ្អើលនៅពេលដែលប្រភពព័ត៌មានមួយបានទម្លាយឈ្មោះក្រុមឈ្មួញរកស៊ីដឹកជញ្ជូនឈើខុសច្បាប់ធំៗនៅក្នុងខេត្តរតនគិរីប្រមាណ៣០នាក់រាជធានីភ្នំពេញ ៖ ជារឿងគួរឲ្យភ្ញាក់ផ្អើល នៅពេលដែលប្រភពព័ត៌មានមួយ បានទម្លាយឈ្មោះក្រុមឈ្មួញ រកស៊ីដឹកជញ្ជូនឈើខុសច្បាប់ធំៗ នៅក្នុងខេត្តរតនគិរី ប្រមាណ ៣០នាក់ ដោយមានបែងចែក ជាក្រុមតូចៗប្រចាំស្រុកនីមួយៗហើយក្នុងនោះក៏មានការរាយឈ្មោះ មន្ត្រីជំនាញ និងសមត្ថកិច្ចជាច្រើនស្ថាប័ន មិនតិចជាង ៨០នាក់ ដែលបានប្រមូលលុយប្រចាំខែ ពីក្រុមឈ្មួញរកស៊ីដឹកជញ្ជូនឈើខុសច្បាប់ ជាថ្នូរនៃការមិនបង្ក្រាប ហើយលោក សុខ រ័ត្ន ជាមេនគរបាលសេដ្ឋកិច្ច ក្រសួងមហាផ្ទៃ ប្រចាំខេត្តរតនគិរី ក៏មានចំណែកឃុបឃិត ឲ្យមានការដឹកជញ្ជូនឈើខុសច្បាប់ យ៉ាងអនាធិបតេយ្យផងដែរ ទើបអ្វីៗអាចដំណើរការដោយរលូន។
ក្នុងរបាយការណ៍ដែលទំនងជា ធ្លាយចេញពីមន្ត្រី ដែលមិនបានទទួលផលប្រយោជន៍ ពីជំនួញឈើខុសច្បាប់ ហើយគេជឿថារបាយការណ៍នោះ បានដាក់ជូនអង្គភាព ប្រឆាំងអំពើពុករលួយ និងស្ថាប័នពាក់ព័ន្ធ បានរៀបរាប់យ៉ាងលម្អិតនូវឈ្មោះ របស់ក្រុមឈ្មួញធំៗ ដែលកំពុងរកស៊ីដឹកជញ្ជូនឈើ យ៉ាងអនាធិបតេយ្យ ក្នុងខេត្តរតនគិរី ប្រមាណ ៣០នាក់ ដោយមានភ្ជាប់លេខទូរស័ព្ទ និងទីតាំងប្រកបអាជីវកម្ម យ៉ាងច្បាស់លាស់។ ដោយឡែក មន្ត្រីនិងសមត្ថកិច្ចពាក់ព័ន្ធប្រមាណជាង ៨០នាក់ មកពីជាង ៣០អង្គភាពស្ថាប័ន រួមមាន ក្រុមយោធា គ្រប់ប្រភេទនគរបាល សេដ្ឋកិច្ច និងនគរបាលខេត្ត កងរាជអាវុធហត្ថប្រចាំទិស ប្រចាំខេត្ត ជំនាញរដ្ឋបាលព្រៃឈើ គ្រប់ជាន់ថ្នាក់ និងមន្ត្រីបរិស្ថាន រួមទាំងអាជ្ញាធរផងដែរ។
របាយការណ៍នោះបានលាតត្រដាងថា ចំពោះក្រុមឈ្មួញ ដែលមានឡានតូចៗ សម្រាប់ដឹកជញ្ជូនឈើក្នុងមួយថ្ងៃ អាចដំណើរបាន ៣ឬ៤ ជើង ក្នុងចំណោមរថយន្ត ៣ទៅ៤ គ្រឿងត្រូវបង់លុយឲ្យមន្ត្រី និងសមត្ថកិច្ចទាំងនោះ ចាប់ពី ១ម៉ឺន ដល់ ២ម៉ឺនដុល្លារអាមេរិក ក្នុងមួយខែ ហើយឈ្មួញដទៃទៀត ដែលត្រូវបង់ប្រចាំជើង គឺយ៉ាងហោចណាស់ រថយន្តមួយគ្រឿង ត្រូវបង់ចាប់ពី ៥០ទៅ២០០ ដុល្លារអាមេរិក អាស្រ័យទៅតាមទំហំ នៃការដឹកជញ្ជូនឈើ និងប្រភេទឈើ។ ឈ្មួញដែលរកស៊ី ដឹកជញ្ជូនឈើខុសច្បាប់ នៅទូទាំងខេត្តរតនគិរី សុទ្ធតែមានទំនាក់ទំនងល្អ ជាមួយមន្ត្រីជំនាញរដ្ឋបាលព្រៃឈើ របស់លោក វង្ស សុកសិរី ហើយសមត្ថកិច្ចនិងស្ថាប័នពាក់ព័ន្ធ គ្រាន់តែជាជើងក្រោយប៉ុណ្ណោះ ដូចជាលោក សុខ រ័ត្ន ជាដើម ចាំតែប្រមូលលុយយកទៅ ធ្វើមានធ្វើបានផ្ទាល់ខ្លួន មិនដែលខ្វល់ពីការបង្ក្រាបទេ។
បើតាមកំណត់ហេតុលាតត្រដាង រឿងអាស្រូវពុករលួយ របស់ក្រុមឈ្មួញរកស៊ី ដឹកជញ្ជូនឈើខុសច្បាប់ និងឈ្មោះក្រុមមន្ត្រីជាង ៨០នាក់ រួមមានលោក សុខ រ័ត្ន ផងដែរកំពុងសប្បាយប្រមូលលុយ បានរាប់ម៉ឺនដុល្លារក្នុងមួយខែៗ អាចចាត់ទុកជារឿងរសើបបំផុត ហើយយ៉ាងហោចណាស់ កំណត់ហេតុដ៏មានតម្លៃនេះ អាចជាមូលដ្ឋាន សម្រាប់ស៊ើបអង្កេត វែកមុខមន្ត្រីនិងសមត្ថកិច្ច ពុករលួយ នាំទៅផ្តន្ទាទោសតាមច្បាប់ ជាការព្រមានកុំឲ្យមន្ត្រីដទៃទៀត យកគម្រូតាម។ ពាក់ព័ន្ធនឹងសកម្មភាព រកស៊ីដឹកជញ្ជូនឈើខុសច្បាប់ នៅទូទាំងខេត្តរតនគិរី គឺមិនអាចលាក់បាំង ពីក្រសែភ្នែករបស់ មន្ត្រីនគរបាលសេដ្ឋកិច្ច ក្រសួងមហាផ្ទៃ របស់លោក សុខ រ័ត្ន នោះទេ ប៉ុន្តែរឿងដែលគ្មានការបង្ក្រាប ក៏ព្រោះតែលោក សុខ រ័ត្ន ទទួលបានផលប្រយោជន៍ជាប់ជាប្រចាំ ពីក្រុមឈ្មួញរកស៊ី ដឹកជញ្ជូនឈើខុសច្បាប់៕
Source from: watphnom-news.com
Loading...
Post a Comment