ជំពាក់លុយគេច្រើនពេក ដាច់ចិត្តចងកសម្លាប់ខ្លួន ផ្តាំម្តាយឲ្យជួយមើលប្តីនិងកូន ៤នាក់
ខេត្តតាកែវ៖ស្ត្រីម្នាក់បានដាច់ចិត្តធ្វើអត្តឃាតដោយយកខ្សែពួរចងកព្យូរនឹងដំបូលផ្ទះស្លាប់ចោលប្តីនិងកូនយ៉ាងអាណោចអាធ័មបំផុតស្ថិតនៅក្នុងភូមិសំណរខ្មៅឃុំធ្លកខេត្តតាកែវ ៖ ស្ត្រីម្នាក់បានដាច់ចិត្តធ្វើអត្តឃាត ដោយយកខ្សែពួរចងក ព្យូរនឹងដំបូលផ្ទះ ស្លាប់ចោលប្តីនិងកូន យ៉ាងអាណោចអាធ័មបំផុត ស្ថិតនៅក្នុងភូមិសំណរខ្មៅ ឃុំធ្លក ស្រុកទ្រាំង ខេត្តតាកែវ កាលពីថ្ងៃទី១៤ ខែឧសភា ឆ្នាំ២០១៤ ហើយសមត្ថកិច្ច បានអះអាងថា ស្ត្រីរងគ្រោះមានឈ្មោះ ម៉ិញ គឿន អាយុ ៣៤ឆ្នាំ បានចងកសម្លាប់ខ្លួន ដោយសារមានវិបត្តិ ក្នុងគ្រួសារ និងជំពាក់លុយគេវណ្ឌក។
សាកសពត្រូវបាន គេប្រទះឃើញនៅនឹងផ្ទះខ្លួនឯង ដោយបានចងក ជាមួយខ្សែពួរ ជាប់ជាមួយនឹងឃ្នាបដំបូលផ្ទះ ដោយក្រុមគ្រួសារ បាននិយាយប្រាប់ប៉ូលីសថា មូលហេតុនៃការសម្លាប់ខ្លួននេះ មកពីស្ត្រីរងគ្រោះពិបាកចិត្ត ដោយសារតែ ជំពាក់លុយគេច្រើនពេក។ ម្តាយរបស់ស្ត្រីរងគ្រោះ បានអោយដឹងថា មុនពេលកើតហេតុមួយថ្ងៃ កូនស្រីគាត់ បានហៅគាត់មកនិយាយពិភាក្សាគ្នា រឿងជំពាក់លុយគេច្រើន ហើយបាននិយាយ ផ្តាំប្រាប់គាត់ថា ឱ្យជួយមើលប្តី និងកូនទាំងបួននាក់ឱ្យផង ។ ពេលនោះ គាត់ក៏មិនបាន ចាប់អារម្មណ៍អីទេ លុះដល់ពេលយប់រំលងអាធ្រាត កូនគាត់ក៏ចងកសម្លាប់ខ្លួន ដោយបន្សល់ទុកប្តី របស់នាងនិងកូន ៤នាក់ទៀត អោយគាត់មើលថែ៕
Source from: watphnom-news.com
Loading...
Post a Comment