ក្រុមចោរប្រដាប់ដោយឣាវុធ AK ពូថៅនិងដំបង ចូលកាប់ប្រហារ ប្លន់អ្នករត់តាក់ស៊ីដល់ផ្ទះ
ខេត្តកំពត៖ក្រុមចោរប្លន់មានគ្នា៦នាក់ស្លៀកពាក់ស៊ីវិលបិតម៉ាស់មុខទាំងឣស់គ្នាបានប្រើប្រាស់ឣាវុធAKចំនួនពីរដើមខេត្តកំពត ៖ ក្រុមចោរប្លន់មានគ្នា ៦នាក់ ស្លៀកពាក់ស៊ីវិល បិតម៉ាស់មុខទាំងឣស់គ្នា បានប្រើប្រាស់ឣាវុធ AK ចំនួនពីរដើម ពូថៅពីរដើម និងដំបងចំនួនមួយដើម បានធ្វើសកម្មភាពប្លន់ប្រជាពលរដ្ឋ នៅវេលាម៉ោង ៧និង៤០ នាទីយប់ថ្ងៃទី១៥ ខែឧសភា ឆ្នាំ២០១៤ នៅក្នុងផ្ទះរបស់ជនរងគ្រោះ ឪពុកនិងកូន ចំណុចខាងលិចស្ពាន ព្រែកស្មាច់ ចម្ងាយ ១៥០ម៉ែត្រ ពីផ្លូវជាតិលេខ៣ ស្ថិតក្នុងភូមិព្រែកត្នោត ឃុំព្រែកត្នោត ស្រុកទឹកឈូ ខេត្តកំពត ។
ជនរងគ្រោះដែលត្រូវចោរប្លន់នោះ មានឈ្មោះ ហោរ ប៊ុនហ៊ុង ភេទប្រុស ឣាយុ ៥០ឆ្នាំ មុខរបរ ឣ្នករត់ឡានតាក់ស៊ី និងឈ្មោះ ហ៊ុង ហេង ភេទប្រុស ឣាយុ ២៥ឆ្នាំ ត្រូវជាកូនបង្កើតរបស់ឈ្មោះ ហោរ ប៊ុនហ៊ុង មានទីលំនៅក្នុង ភូមិឃុំកើតហេតុខាងលើ ។ ក្រុមចោរប្លន់បានធ្វើសកម្មភាព ភ្ជង់គំរាមប្លន់ និងបានប្រើប្រាស់ ខ្នងពូថៅវ៉ៃទៅលើ ក្បាលជនរងគ្រោះ ទាំងពីរនាក់ឪពុកនិងកូន បណ្តាលឲ្យរងរបួសធ្ងន់បែកមុខ ផុងលលាដ៍ ហូរឈាមស្រោចខ្លួន។
សាច់ញាតិជនរងគ្រោះបានបំភ្លឺថា ក្រុមចោរបានដើរចូល ពីខាងក្រោយផ្ទះ ធ្វើសកម្មភាពគំរាមប្លន់ យកបានលុយខ្មែរចំនួន ១៩០០០០០ រៀល (មួយលាន កៅសិបម៉ឺន) និងមាសផ្លាកទីន ចំនួនប្រាំពីរជីកន្លះ (ខ្សែកមួយខ្សែទម្ងន់ ពីរជី,ខ្សែដៃមួយខ្សែ ទម្ងន់ពីរជីកន្លះ និងចិញ្ចៀនចំនួនបីវង់ ស្មើនឹងបីជី។ ក្រោយពេលក្រុមចោរ ធ្វើសកម្មភាពប្លន់ យកលុយនិងទ្រព្យសម្បត្តិ បានសម្រេចហើយ ក៏គេចខ្លួនតាមក្រោយផ្ទះ បាត់ស្រមោលតែម្តង។
ជនរងគ្រោះពីរនាក់ឪពុកនិងកូន ត្រូវបានក្រុមគ្រួសារ និងញាតិមិត្តដឹកយកទៅ សង្គ្រោះបន្ទាន់នៅមន្ទីរពេទ្យបង្អែក ខេត្តកំពត ប៉ុន្តែដោយសារឪពុកឈ្មោះ ហោរ ប៊ុនហ៊ុង របួសក្បាល មានស្ថានភាពធ្ងន់ធ្ងរពេក ក៏ដឹកបន្តតាមរថយន្តសាមុយ នាំយកទៅព្យាបាល នៅប្រទេសវៀតណាមបន្តទៀត។ សមត្ថកិច្ចបានចុះទៅដល់ កន្លែងកើតហេតុភ្លាមៗ និងធ្វើការស្រាវជ្រាវ តាមរកមុខសញ្ញាក្រុមចោរ ដើម្បីនាំទៅផ្តន្ទាទោសតាមច្បាប់៕
Source from: watphnom-news.com
Loading...
Post a Comment