អាជ្ញាធរម៉ិចស៊ិចកូភ័យខ្លួននិងប្រកាសអាសន្នក្រោយពេលធ្វេសប្រហែសឲ្យក្រុមចោរមានឱកាសប្លន់សារធាតុវិទ្យុសកម្ម
កាលពីថ្ងៃទី១២ ខែមិថុនា ឆ្នាំ២០១៤ម្សិលមិញនេះ រដ្ឋាភិបាលប្រទេសម៉ិចស៊ិចកូបានធ្វើការប្រកាសអាសន្ននៅទូទាំងប្រទេស ក្រោយពេលដែលអាជ្ញាធរមានការធ្វេសប្រហែស បណ្តាលឲ្យក្រុមខ្មាន់កាំភ្លីងមានឱកាសវាយប្រហារប្លន់យកសារធាតុវិទ្យសកម្ម ដែលជាសារធាតុគ្រោះថ្នាក់បំផុតចេញពីទីតាំងស្រាវជ្រាវរបស់រដ្ឋ ។
តាមការចុះផ្សាយរបស់សារព័ត៌មាន AP បានឲ្យដឹងថា សារធាតុវិទ្យុសកម្មប្រភេទ Cesium-137និង Americium-Beryllium ត្រូវបានក្រុមចោរប្លន់យកចេញពីឃ្លាំងស្រុកសម្រាប់ធ្វើការស្រាវជ្រាវរបស់រដ្ឋាភិបាលឋិតនៅជាយក្រុង តំបន់ Tultillan ខណៈដែលរដ្ឋមន្ត្រីក្រសួងមហាផ្ទៃម៉ិចស៊ិចកូ បានបញ្ជាក់ថា ការប្រើប្រាស់សារធាតុវិទ្យុសកម្មទាំងនោះខុសគោលដៅ និងបង្កឲ្យមានសោកនាដកម្មកើតឡើង ដ្បិតសារធាតុវិទ្យុសកម្មដែលគ្មានក្លិន គ្មានពណ៌ អាចសម្លាប់មនុស្សបានយ៉ាងងាយស្រួល ដោយសារវាសាយភាយទៅក្នុងខ្យល់អាកាស។
ក្រៅពីការប្រកាសអាសន្នឲ្យមានការប្រុងប្រយ័ត្នក្នុងក្របខ័ណ្ឌទូទាំងប្រទេសនោះ អាជ្ញាធរម៉ិចស៊ិចកូក៏បានខ្នះខ្នែងតាមស្វែងរុករកមុខសញ្ញាក្រុមចោរប្លន់សារធាតុវិទ្យុសកម្មដ៏គ្រោះថ្នាក់នេះភ្លាមៗដែរ ៕
Source from: www.dtn7.com
Loading...
Post a Comment