ខេត្តកំពង់ចាម៖គ្រាន់តែរឿងបើករថយន្តទៅកៀកគ្នាអត់មានអ្វីខុសឆ្គងសោះស្រាប់តែបុរសវ័យកណ្តាលម្នាក់ដែលមានចរិតពាលបានប្រើអំពើហិង្សាទៅលើជនស្លូតត្រង់ខេត្តកំពង់ចាម ៖ គ្រាន់តែរឿងបើករថយន្តទៅកៀកគ្នា អត់មានអ្វីខុសឆ្គងសោះ ស្រាប់តែបុរសវ័យកណ្តាលម្នាក់ ដែលមានចរិតពាល បានប្រើអំពើហិង្សា ទៅលើជនស្លូតត្រង់ កាលពីវេលាម៉ោង ៧ព្រឹកថ្ងៃទី២៧ ខែតុលា ឆ្នាំ២០១៣នៅលើបណ្តយផ្លូវជាតិលេខ៧ ចំណុចខាងមុខផ្សារសួង ក្នុងក្រុងសួង ខេត្តកំពង់ចាម ។
បុរសទំនើងមានឈ្មោះ ហុង អេង អាយុជាង ៤០ឆ្នាំ រស់នៅភូមិកណ្តោលកោង ឃុំកោងកាង ស្រុកពញាក្រែក ខេត្តកំពង់ចាម បានរថយន្តម៉ាកកាមរី បាឡែនពណ៌ស ពាក់ស្លាកលេខកំពង់ចាម 2A-4696 ចំណែកជនរងគ្រោះ ដែលទទួលការវាយដំ ពីបុរសទំនើងខាងលើ មិនត្រូវបានគេស្គាល់ អត្តសញ្ញាណនោះទេ បានបើកបររថយន្តយីឌុប ពាក់ស្លាកលេខ ភ្នំពេញ 3B-7787 ។
មុនពេលកើតហេតុ ជនបង្កបានមកចតរថយន្ត នៅលើចិញ្ចើមផ្លូវមុខផ្សារសួង រួចចុះទៅទិញអីវ៉ាន់ ពេលនោះរថយន្តជនរងគ្រោះ ក៏បើកមកស្របទិសគ្នា កៀកនឹងរថយន្តជនបង្ក ដោយមិនបានប៉ះពារសូម្បីបន្តិច។ ពេលនោះដែរជនបង្ក មិនបាននិយាយរកហេតុផលអ្វីសោះ ក៏ដើរទៅបើកទ្វាររថយន្ត ទាញជនរងគ្រោះចុះពីលើរថយន្ត មកដីវាយជាច្រើនដៃ។
ជនបង្កបានគំរាមឲ្យជនរងគ្រោះ លុតជង្គង់សំពះខ្លួន ដោយបានបោះពាក្យសំដី រកបាញ់សម្លាប់ជនរងគ្រោះ ចោលថែមទៀតផង នាំឲ្យប្រជាពលរដ្ឋដែលឃើញ ហេតុការណ៍នោះ បានរិះគន់ពីឫកពារ ជាមនុស្សព្រៃរបស់ឈ្មោះ ហុង អេង និងទាមទារឲ្យមាន ការនាំខ្លួនឈ្មោះ ហុង អេង ទៅផ្តាន្ទាទោស៕
Source from: watphnom-news.com
Loading...
Post a Comment