រាជធានីភ្នំពេញ៖រថយន្តប្រភេទតូយ៉ូតាស៊េរីទំនើបមួយគ្រឿងពាក់ស្លាកលេខភ្នំពេញ2G-9264បានបើកបុករះរបាំងដែកចែកទ្រូងផ្លូវសហព័ន្ធរុស្ស៊ីខូចខាតអស់ចំនួនរាជធានីភ្នំពេញ ៖ រថយន្តប្រភេទតូយ៉ូតា ស៊េរីទំនើបមួយគ្រឿង ពាក់ស្លាកលេខភ្នំពេញ 2G-9264 បានបើកបុករះរបាំងដែក ចែកទ្រូងផ្លូវសហព័ន្ធរុស្ស៊ីខូចខាតអស់ចំនួន ១១ផ្ទាំង កាលពីម៉ោង ១២និង៣០ នាទីថ្ងៃទី០២ ខែវិច្ឆិកា ឆ្នាំ២០១៣នៅចំណុចមុខបុរីសាលា១០០ខ្នង ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ដោយសារការបើកបរក្នុងល្បឿនលឿន និងខ្វះការប្រុងប្រយ័ត្ន។
រថយន្តបង្ហេតុបើកបរក្នុងទិសដៅ ពីកើតទៅលិចក្នុងល្បឿនលឿន ហើយបានបើកជែងម៉ូតូមួយគ្រឿង ប៉ុន្តែម៉ូតូនោះមិនព្រមជៀសមកស្តាំ ហើយរថយន្តក៏មិនបន្ថយល្បឿន សុខចិត្តគេចមកឆ្វេងដៃ ក៏ជ្រុលចង្កូតទៅបុករបាំងដែកចែកទ្រូងផ្លូវ បណ្ដាលឲ្យបាក់រលំ ដួលរៀបដល់ដីតែម្តង។ រថយន្តបង្កព្យាយាមបើកទៅមុខ ប៉ុន្តែទៅមិនរួចព្រោះតែខូចខាតប៉ែកខាងមុខ រលត់ម៉ាស៊ីន មិនដំណើរការ។
អ្នកបើកបររថយន្តបង្កមានឈ្មោះ លីចាន់ សុគា ភេទប្រុស អាយុ ២៨ឆ្នាំ ត្រូវបានសមត្ថកិច្ចឃាត់ខ្លួនហើយបានស្ទូចយកទាំងរថយន្ត និងនាំខ្លួនអ្នកបើកបរទៅផាកពិន័យ និងសងការខូចខាត។ គេតែងតែនិយាយតៗគ្នាថា ខាងសាលារាជធានី បានបញ្ជាឲ្យផាកពិន័យ ថ្លៃខ្លាំងណាស់គឺ១ផ្ទាំង ប្រហែល ២ម៉ែត្រការ៉េ តម្លៃ ៤០០ដុល្លារ អ្នកខ្លះថាតម្លៃ ៦០០ដុល្លារ ឯណោះ ហើយប៉ូលិសជំនាញកាក់កប និងករណីគ្រោះថ្នាក់ចរាចរបែបនេះខ្លាំងណាស់៕
Source from: watphnom-news.com
Loading...
Post a Comment