រាជធានីភ្នំពេញ៖ដោយសារតូចចិត្តរឿងប្រពន្ធសុំចែកផ្លូវអត់អាល័យដល់គ្រាផ្អែមល្អែមនិងគ្មានការងារធ្វើបុរសម្នាក់បានយកខ្សែស្ពាយកាបូបមកចង.កសម្លាប់ខ្លួននៅក្នុងបន្ទប់ផ្ទះរាជធានីភ្នំពេញ ៖ ដោយសារតូចចិត្តរឿង ប្រពន្ធសុំចែកផ្លូវ អត់អាល័យដល់គ្រាផ្អែមល្អែម និងគ្មានការងារធ្វើ បុរសម្នាក់បានយកខ្សែស្ពាយកាបូបមកចង.ក សម្លាប់ខ្លួននៅក្នុងបន្ទប់ផ្ទះ ជួលលេខ៨ ស្ថិតនៅក្រុមទី២ ក្នុងភូមិដំណាក់ធំទី៤សង្កាត់ស្ទឹងមានជ័យ ខណ្ឌមានជ័យ ស្លាប់យ៉ាងអាណោចអាធ័ម បង្កឲ្យមានការភ្ញាក់ផ្អើល កាលពីវេលាម៉ោង ៦និង១០ នាទីព្រឹកថ្ងៃទី២ ខែវិច្ឆិកា ឆ្នាំ២០១៣។
ជនរងគ្រោះមានឈ្មោះ សែម សី អាយុ ២២ឆ្នាំ ស្នាក់នៅកន្លែងកើតហេតុ មានស្រុកកំណើត នៅភូមិសំរោង ឃុំចុងដូង ស្រុកបារាយណ៍ ខេត្តកំពង់ធំ មានមុខរបរកម្មករ រោងចក្រកាត់ដេរ ។ ឈ្មោះ ជុត យ៉ន អាយុ ២០ឆ្នាំ ភេទប្រុស ត្រូវជាបងប្អូន ជីដូនមួយជនរងគ្រោះ បានឲ្យដឹងថា កាលពី២ទៅ ៣ខែកន្លងមកនេះ ឈ្មោះ សែម សី បានលែងលះ ជាមួយប្រពន្ធ មិនទាន់មានការងារធ្វើនៅឡើយទេ។
នៅល្ងាចថ្ងៃទី១ ខែវិច្ឆិកា ឆ្នាំ២០១៣ ជនរងគ្រោះ រួមបងប្អូនជីដូន និងមិត្តភក្តិ ៣ទៅ៤ នាក់បានអង្គុយផឹកស៊ី នៅក្នុងបន្ទប់ជួលរហូតដល់ម៉ោង ៧ទៅ៨ យប់ទើបបែកផ្លូវគ្នា ចេញមកអង្គុយជជែកគ្នាលេង នៅលើចិញ្ចើមផ្លូវបេតុង ហើយជនរងគ្រោះពេលផឹកស្រវឹង បាននិយាយរំលឹក កាលពីខ្លួនរួមរស់ជាមួយប្រពន្ធ ទាំងទឹកមុខស្រងូតស្រងាត់ ហើយបានចូលទៅក្នុងបន្ទប់ ចាក់សោរទ្វារផ្ទះ មិនឲ្យអ្នកណាចូល ឡើយ ។
លុះព្រឹកឡើងម៉ោង ៦និង១០នាទី ព្រឹកថ្ងៃកើតហេតុ សាច់ញាតិបានដើរ មកស្រែកហៅឈ្មោះ សែម សី ឲ្យបើកទ្វារ ប៉ុន្តែទោះបីស្រែកយ៉ាងណា ក៏គ្មានសំឡេងឆ្លើយ ទើបសម្រេចទៅគាស់បង្អួច ស្រាប់តែប្រទះឃើញឈ្មោះ សែម សី យកខ្សែស្ពាយកាបូបទៅចងក ជាប់នឹងចំរឹងបង្អួច ស្លាប់យ៉ាងអាណោចអាធ័ម មិនដឹងស្លាប់តាំងពីពេលណានោះទេ ហើយបើតាមការបញ្ជាក់ពីសាច់ញាតិ គឺមូលហេតុដែលជនរងគ្រោះចងកសម្លាប់ខ្លួន ព្រោះតូចចិត្តរឿងប្រពន្ធលែងលះ និងគ្មានការងារធ្វើ៕
Source from: watphnom-news.com
Loading...
Post a Comment