រាជធានីភ្នំពេញ៖រថយន្តដឹកកុងតឺន័ររបស់ក្រុមហ៊ុនអេស៊ានដេវីដ បានបើកបុកនិងកិនម៉ូតូ១គ្រឿងខ្ទេចនាំឲ្យអ្នកបើកបររងរបួសធ្ងន់ធ្ងររាជធានីភ្នំពេញ ៖ រថយន្តដឹកកុងតឺន័រ របស់ក្រុមហ៊ុនអេស៊ានដេវីដ បានបើកបុកនិងកិនម៉ូតូ ១ គ្រឿងខ្ទេច នាំឲ្យអ្នកបើកបររងរបួសធ្ងន់ធ្ងរ ខណៈដែលកំពុងធ្វើដំណើរស្របគ្នា កាលពីវេលាម៉ោង ៧និង១៥ នាទីព្រឹកថ្ងៃទី១២ ខែវិច្ឆិកា ឆ្នាំ២០១៣ នៅលើកំណាត់ផ្លូវជាតិលេខ៤ ត្រង់ចំណុចភូមិអូរដឹម សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
ម៉ូតូដែលត្រូវរថយន្តបើកបុកនិងកិននោះ ម៉ាកហុងដាគុបជ្រុង សេ៧០ ពណ៌ទឹកប៊ិច ពាក់ស្លាកលេខភ្នំពេញ 1BD-7233 បើកបរដោយឈ្មោះ អុំ នី ភេទប្រុស អាយុ ២១ឆ្នាំ មុខរបរជាងក្រឡឹង មានទីលំនៅក្នុងភូមិព្រៃព្រីង សង្កាត់ចោមចៅ ខណ្ឌពោធិ៍សែនជ័យ។ ចំណែករថយន្តបង្កម៉ាកហ៊ីណូ ពណ៌ខៀវ ពាក់ស្លាកលេខ 3C-0350 អ្នកបើកបរមានឈ្មោះ ដា អាយុជាង ៣០ឆ្នាំ ស្នាក់នៅក្នុងក្រុមហ៊ុនអេស៊ានដេវីដ និងបានរត់គេចខ្លួនបាត់ស្រមោល ។
មុនពេលកើតហេតុ រថយន្តបង្កនិងម៉ូតូ របស់ជនរងគ្រោះបើកបរស្របគ្នា ក្នុងទិសដៅពីលិចទៅកើត ដោយរថយន្តបើកពីក្រោយម៉ូតូ ក៏ជ្រុលទៅបុកនិងកិនម៉ូតូ ស្រស់ៗតែម្ដង ។ ពេលនោះសំណាងល្អហើយ ដែលអ្នកបើកបរម៉ូតូបាន ខ្ទាតចេញផុតពីកង់រថយន្ត និងរងរបួសធ្ងន់ធ្ងរ ចំណែកម៉ូតូបានខ្ទាតចូល ក្រោមកង់រថយន្ត កិន សំប៉ែតដូចចេកចៀន៕
Source from: watphnom-news.com
Loading...
Post a Comment