ខេត្តបាត់ដំបង៖អព្ភូតហេតុដ៏ចំឡែកមួយបាននាំឲ្យដីនៅលើខ្នងភ្នំវាយចាបនៃស្រុករតនៈមណ្ឌលខេត្តបាត់ដំបងបាក់ស្រុតចុះប្រមាណ១៧កន្លែងមានជម្រៅខេត្តបាត់ដំបង ៖ អព្ភូតហេតុដ៏ចំឡែកមួយ បាននាំឲ្យដីនៅលើខ្នងភ្នំវាយចាប នៃស្រុករតនៈមណ្ឌល ខេត្តបាត់ដំបង បាក់ស្រុតចុះប្រមាណ ១៧កន្លែងមានជម្រៅ ចាប់ពីជាងមួយម៉ែត្រដល់ ១០ម៉ែត្រកាលពីដើមខែតុលា ឆ្នាំ២០១៣ ហើយប្រជាពលរដ្ឋ ដែលចេញចូលទៅធ្វើចម្ការ បានប្រទះឃើញករណីចំឡែកនេះ ក៏បានរាយការណ៍ជូនអាជ្ញាធរផងដែរ។
ប្រជាពលរដ្ឋបានឲ្យដឹងថា ភ្នំវាយចាប គឺស្ថិតក្នុងឃុំអណ្ដើកហែប ស្រុករតនៈមណ្ឌល ខេត្តបាត់ដំបង ហើយដីនៅលើខ្នងភ្នំ ដែលប្រេះបាក់ស្រុតចំនួន ១៧ កន្លែង គឺទី១-នៅលើខ្នងភ្នំវាយចាប ត្រង់ចំណុចកំប៉ូចាក់អង្កាម មានមួយកន្លែងផតស្រុតភ្នំ អស់ទំហំ ៨០០ ម៉ែត្រការ៉េ។ ទី២-នៅចំណុចអណ្ដូងឫស្សីស្រុតចំនួន៣ កន្លែងមានទំហំ ៥៦៥០ ម៉ែត្រការ៉េ។ ទី៣-នៅចំណុចឫស្សីស្បូវស្រុត ២កន្លែងមានទំហំ ៣១៥០ ម៉ែត្រការ៉េ។
ទី៤-នៅចំណុចជំណប់អង្គុញស្រុត ៨កន្លែងមានទំហំ ២៨៩២៦ ម៉ែត្រការ៉េ។ ទាំង ៤ចំណុចនេះ គឺភ្នំស្រុតពីមួយម៉ែត្រដល់ ២,៥០ ម៉ែត្រ ។ ទី៥-នៅចំណុចជំណប់ខ្លូតស្រុត ២ កន្លែងមានទំហំ ៣៩០០ ម៉ែត្រការ៉េ មួយកន្លែងៗភ្នំប្រេះស្រុតទទឹង ១៥ ម៉ែត្របណ្ដោយមានប្រវែង ៤៥ ម៉ែត្រជម្រៅ ១០ ម៉ែត្រ។ ទី៦-នៅចំណុចតាពួង ស្រុតមួយកន្លែងទទឹង ៤ ម៉ែត្របណ្ដោយ ៨០ ម៉ែត្រជម្រៅ ៤ ម៉ែត្រ។
ប្រជាពលរដ្ឋដែលចេញចូលទៅធ្វើចម្ការ ដើរកាត់ខ្នងភ្នំវាយចាប បានប្រទះឃើញអព្ភូតដ៏ចំឡែកនេះ តាំងពីដើមខែតុលា ឆ្នាំ២០១៣ ហើយបានរាយការណ៍ជូន អាជ្ញាធរ។ បញ្ហាផ្លូវធ្វើដំណើរឡើងទៅភ្នំវាយចាប គឺត្រូវឆ្លងស្ពានយោលមួយកន្លែង ស្ថិតនៅក្នុងភូមិកណ្ដាលស្ទឹង ឃុំអណ្ដើកហែប ស្រុករតនៈមណ្ឌល ដែលនៅទីនោះក្បាលស្ពាន បានស្រុតជម្រៅប្រហែល ៩ ម៉ែត្រដែលឡាន មិនអាចបើកឆ្លងកាត់បានទេ គ្រាន់តែដើរឆ្លង ឬជិះម៉ូតូឆ្លងបាន៕
Source from: watphnom-news.com
Loading...
Post a Comment