ខេត្តបាត់ដំបង៖លោកទ្រីណារិនអភិបាលខេត្តបន្ទាយមានជ័យបានស្លាប់ក្នុងគ្រោះថ្នាក់ចរាចរបន្ទាប់ពីបានធ្វើដំណើរតាមខេត្តបាត់ដំបង ៖ លោក ទ្រី ណារិន អភិបាលខេត្តបន្ទាយមានជ័យ បានស្លាប់ក្នុងគ្រោះថ្នាក់ចរាចរ បន្ទាប់ពីបានធ្វើដំណើរតាម រថយន្តម៉ាកប្រាដូ ពណ៌ខ្មៅ ពីខេត្តបន្ទាយមានជ័យ ទៅភ្នំពេញក្នុងល្បឿនលឿន ឡើងជែងរថយន្តមួយគ្រឿងមិនរួច បានបុករថយន្តធុនធំពី កាលពីម៉ោង ៤និង២០ នាទីទៀបភ្លឺថ្ងៃទី១៣ ខែវិច្ឆិកាឆ្នាំ២០១៣ លើកំណាត់ផ្លូវជាតិលេខ៥ ស្ថិតក្នុងក្រុមទី២ ភូមិមោងឃុំមោង ស្រុកមោងឬស្សី ខេត្តបាត់ដំបង។
នគរបាលចរាចរណ៍ដែលបានចុះវាស់វែង បានឲ្យដឹងថា រថយន្តដែលរងខូចខាត ម៉ាកប្រាដូ ពណ៌ខ្មៅពាក់ស្លាលេខ រដ្ឋ36.2. 0525មា នបិតអក្សរ គជអប បានរងការខូចខាតខ្ទេចមុខមួយចំហៀងខាងស្តាំទាំងស្រុង ជារថយន្តរបស់អភិបាល ខេត្តបន្ទាយមានជ័យ បើកបរពីលិចទៅកើត ពីបាត់ដំបងទៅភ្នំពេញ។ ចំណែករថយន្តធំ មិនស្គាល់ម៉ាកព្រោះបានបើកទៅបាត់ ក្រោយពេលកើតហេតុ។
ក្នុងហេតុការណ៍នោះ បណ្តាលឲ្យរបួសធ្ងន់ ២នាក់ ត្រូវបានដឹកយកមកធ្វើការសង្គ្រោះ នៅមន្ទីរពេទ្យអ៊ិម៉ឺជេណ្ស៊ី ហើយបានស្លាប់ម្នាក់។ បុរសរងគ្រោះដែលស្លាប់មានឈ្មោះ ទ្រី ណារិន អាយុ ៣៩ឆ្នាំ ជាអភិបាលខេត្តបន្ទាយមានជ័យ និងអ្នកបើកបរម្នាក់ឈ្មោះ ហោ ម៉ៅ រងរបួសធ្ងន់។ សាក្សីបានប្រាប់សមត្ថកិច្ចថា នៅពេលភ្លឺស្រាងៗ គេឃើញមានរថយន្តធំ បើកបរពីលិចទៅកើត លើផ្លូវជាតិលេខ៥ ពីបាត់ដំបងទៅភ្នំពេញ ។
មួយសន្ទុះក្រោយមក ក៏ឃើញរថយន្តពណ៌ខ្មៅ បើកបរស្របទិសគ្នាក្នុងល្បឿនលឿន បំរុងជែងវ៉ារថយន្តធំនោះ តែហាក់ដូចជាមានអ្វីនៅពីមុខ ទើបរថយន្តរបស់លោកអភិបាលខេត្ត វ៉ាមិនបាន ក៏ទាញចង្កូតចូលស្តាំវិញ បណ្តាលឲ្យបុករថយន្តធំពីក្រោយ ហើយមនុស្សក្នុងរថយន្ត២នាក់រងរបួសធ្ងន់។ ចំណែករថយន្តធំបានបើកទៅមុខ ដូចជាមិនដឹងរឿងអ្វីសោះ រួចសមត្ថកិច្ចក៏ដឹកជងរគ្រោះ មកកាន់មន្ទីរពេទ្យបាត់ដំបង។
ភ្លាមៗនោះថ្នាក់ដឹកនាំខេត្តបាត់ដំបង និងខេត្តបន្ទាយមានជ័យ បានចុះទៅកាន់មន្ទីរពេទ្យអ៊ិម៉ឺជេណ្ស៊ី ដើម្បីសួរសុខទុកជនរងគ្រោះ តែអកុសលលោក ទ្រី ណារិន អភិបាលខេត្តបន្ទាយជ័យ បានផុតដង្ហើមលាចាកលោកបាត់ទៅហើយ៕
Source from: watphnom-news.com
Loading...
Post a Comment