ខេត្តព្រះសីហនុ៖នគរបាលការិយាល័យព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្តព្រះសីហនុបានឃាត់ខ្លួនបុរសម្នាក់ពីបទរំលោភសេពសន្ថវៈខេត្តព្រះសីហនុ ៖ នគរបាលការិយាល័យ ព្រហ្មទណ្ឌកំរិតធ្ងន់ នៃស្នងការដ្ឋាននគរបាល ខេត្តព្រះសីហនុ បានឃាត់ខ្លួនបុរសម្នាក់ ពីបទរំលោភសេពសន្ថវៈ ក្មេងស្រីអាយុ ៨ឆ្នាំ ដែលជាកូនចិញ្ចឹម កាលវេលាម៉ោង ៤និង៣០ នាទីរសៀលថ្ងៃទី១១ ខែធ្នូឆ្នាំ២០១៣ នៅចំណុចផ្ទះជនសង្ស័យ បន្ទាប់ពីមានពាក្យបណ្តឹង ពីអ៊ុំស្រីកុមាររងគ្រោះ តាមរយៈអង្គការម្លប់តាប៉ាង។
ជនសង្ស័យមានឈ្មោះ ងួន ពៅ អាយុ ៤៣ឆ្នាំ មានទីលំនៅក្រុម១២ ភូមិ៣ សង្កាត់លេខ៣ ក្រុង-ខេត្តព្រះសីហនុ ជាពេទ្យសត្វ ចាក់ថ្នាំតាមភូមិ ត្រូវជាឪពុកចិញ្ចឹមកុមាររីរងគ្រោះ ព្រោះបន្ទាប់ពីឪពុកកុមារីរងគ្រោះស្លាប់ ជននេះក៏បានហៅម្តាយ និងកូនមកនៅជាមួយ ហើយកុមារីរងគ្រោះ មានឈ្មោះ ស.ស.ល អាយុ៨ឆ្នាំ ជាសិស្សសាលា។ សមត្ថកិច្ចបានឲ្យដឹងថា រឿងរ៉ាវនៃការ រំលោភសេពសន្ថវៈនេះ បានកើតឡើងតាំងពីយប់ថ្ងៃទី៨ ខែធ្នូ ប៉ុន្តែដោយមានការ គំរាមកំហែងសម្លាប់ ពីសំណាក់ជនសង្ស័យ ទើបកុមារីរងគ្រោះ បានលាក់រឿងនេះរហូតដល់ព្រឹកថ្ងៃទី១១ ខែធ្នូ ទើបទម្លាយប្រាប់អ៊ុំស្រី និងទៅប្តឹងអង្គការម្លប់តាប៉ាង ឈានដល់ការចាប់ខ្លួន ជនសង្ស័យនៅវេលាម៉ោង ៤និង៣០ នាទីរសៀលថ្ងៃដដែល យកមកសួរនាំនិងកសាងសំណុំរឿង។
ស្ត្រីឈ្មោះ សឿន ជិនសេង ត្រូវជាអ៊ុំស្រីកុមារីរងគ្រោះ បានឲ្យដឹងថា នៅយប់ថ្ងៃទី៨ ខែធ្នូ គាត់មិនចាំម៉ោង ជនសង្ស័យបានចាក់សោរកូនស្រី អោយនៅម្នាក់ឯង ដោយជនសង្ស័យ បានទៅដេកជាមួយប្រពន្ធ នៅមុខរោងចក្រញូស្តារ នៅពេលនោះគាត់ក៏ពុំបាន ចាប់អារម្មណ៍ទេ លុះព្រឹកឡើងថ្ងៃទី៩ ខែធ្នូ គាត់បានឃើញ ក្មួយស្រីមានដំណើរខុសពីធម្មតា គាត់ក៏សួរតែក្មួយស្រីបានឆ្លើយថា ដើរដួលពេលឆ្លងស្ពាន។ រហូតដល់ថ្ងៃទី១១ ខែធ្នូ ដោយពុំអស់ចិត្ត គាត់ក៏បានសម្រេចចិត្ត យកក្មួយយមកកាន់ មន្ទីរ បង្អែកដើម្បីពិនិត្យ តែពេលនោះក្មេងស្រីរងគ្រោះ បានសារភាពថា អ៊ុំ ពៅ ចាប់រំលោភនាងតាំងពីយប់ថ្ងៃទី៨ ខែធ្នូមកម្ល៉េះ៕
Source from: watphnom-news.com
Loading...
Post a Comment