ខេត្តបន្ទាយមានជ័យ៖បុរសម្នាក់រួមជាមួយកូនតូចបានស្លាប់យ៉ាងអាណោចអាធ័មដោយរយះក្បាលដាច់រហែកសាច់ទាំងដុំៗក្នុងករណីគ្រោះថ្នាក់ចរាចរគួរឲ្យរន្ធត់មួយខេត្តបន្ទាយមានជ័យ ៖ បុរសម្នាក់រួមជាមួយកូនតូច បានស្លាប់យ៉ាងអាណោចអាធ័ម ដោយរយះក្បាល ដាច់រហែកសាច់ទាំងដុំៗ ក្នុងករណីគ្រោះថ្នាក់ចរាចរ គួរឲ្យរន្ធត់មួយ ដែលបានកើតឡើង កាលពីវេលាម៉ោង ៨និង៣០ នាទីយប់ថ្ងៃទី១២ ខែធ្នូ ឆ្នាំ២០១៣ នៅលើកំណាតផ្លូវជាតិលេខ៦ ក្នុងឃុំលាប ស្រុកព្រះនេត្រព្រះ ខេត្តបន្ទាយមានជ័យ។
មុនពេលកើតហេតុ ឪពុកបានដឹកកូនប្រុសតូច នៅមុខហើយជិះម៉ូតូ ម៉ាកស្មាស់ ពណ៌ខ្មៅ ស៊េរីចាស់ លឿនដូចហោះ ក៏ជ្រុលចង្កូតទៅបុក គូទរថយន្ត ដឹកស្រូវចំណុះ ៥តោន ទាំងកំរោលចំពីក្រោយ យ៉ាងពេញទំហឹងតែម្តង ខណ:ដែលរថយន្តចតចោល នៅលើចិញ្ចើមផ្លូវស្របទិសគ្នា បណ្តាលឲ្យជនរងគ្រោះទាំង ២នាក់ស្លាប់ភ្លាមៗ។
សាក្សីបានឲ្យដឹងថា រថយន្តដឹកស្រូវនោះ ទំនងជាខូចទើបចតចោលលើចិញ្ចើមផ្លូវ ហើយបានបើកភ្លើងក្រោយ ភ្លើងក្រហមជាសញ្ញាផងដែរ ។ ជនរងគ្រោះទាំង ២នាក់បានដួលបោកក្បាល ខ្ទាតចូលក្រោមរថយន្តរយះសាច់ និងរយះក្បាល ទាំង២នាក់មើលទៅ គួរឲ្យរន្ធត់បំផុត ហើយម៉ូតូបានរងនូវ ការខូចខាតទាំងស្រុង៕
Source from: watphnom-news.com
Loading...
Post a Comment