ខេត្តកណ្ដាល៖សមត្ថកិច្ចនគរបាលបានឃាត់ខ្លួនបុរសម្នាក់កាលពីវេលាម៉ោង៩ព្រឹកថ្ងៃទី១១ខែធ្នូឆ្នាំ២០១៣ខេត្តកណ្ដាល ៖ សមត្ថកិច្ចនគរបាល បានឃាត់ខ្លួនបុរសម្នាក់ កាលពីវេលាម៉ោង ៩ព្រឹកថ្ងៃទី១១ ខែធ្នូ ឆ្នាំ២០១៣ នៅចំណុចរណ្តៅស្រះទឹក ខាងត្បូងឈាងខាងកើត សិប្បកម្មឡឥដ្ឋយីហោ គឹមតៃ ឋិតក្នុងភូមិឈើទាល ឃុំព្រែកអញ្ចាញស្រុកមុខកំពូល បន្តាប់ពីបានធ្វើសកម្មភាព ល្បួងក្មេងស្រីអាយុ ៧ឆ្នាំ យកទៅរំលោភនៅ ស្រះទឹកលើកំប៉ោង បញ្ជូនមកកាន់អធិការដ្ឋាន នគរបាលស្រុកមុខកំពូល ។
ជនសង្ស័យដែលត្រូវឃាត់ខ្លួន មានឈ្មោះ ម៉ៅ ពៅ ហៅគួក អាយុ ២២ឆ្នាំ មុខរបរកម្មករឡឥដ្ឋ យីហោ គឹមតៃ បច្ចុប្បន្នស្នាក់នៅក្នុង ភូមិឃុំកើតហេតុខាងលើ ហើយក្មេងស្រីរងគ្រោះឈ្មោះ ម.ស.ម អាយុ ៧ឆ្នាំ បច្ចុប្បន្នស្នាក់នៅ ជាមួយឪពុកម្តាយ ក្នុងសិប្បកម្មឡឥដ្ឋយីហោ ឈាងស៊ុយហៀង ឋិតក្នុងភូមិកោះរកា ឃុំព្រែកអញ្ចាញ ស្រុកមុខកំពូល ។ នគរបាលបានឃាត់ខ្លួន ជនសង្ស័យ ដោយយោងតាមពាក្យបណ្តឹង របស់ឪពុកម្តាយក្មេងស្រីរងគ្រោះ បន្ទាប់ពីមានករណីរំលោភសេពសន្ថវៈ កើតឡើងតែប៉ុន្មានម៉ោងប៉ុណ្ណោះ ។
មុនពេលកើតហេតុ វេលាម៉ោង ៨ព្រឹកថ្ងៃទី១១ ខែធ្នូ ឆ្នាំ២០១៣ ក្មេងស្រីរងគ្រោះ បាននៅប្រលែង លេងជាមួយមិត្តភក្ដិ ៣ទៅ៤នាក់ នៅលើកំណាត់ផ្លូវលំ ក្បែរឡឥដ្ឋយីហោ គឹមតៃ ខណៈនោះជនសង្ស័យក៏បាន បបួលក្មេងស្រីរងគ្រោះ និងក្មេងផ្សេងទៀត ទៅបេះផ្លែឈូកនៅក្នុងស្រះ ចំណុចកើតហេតុខាងលើ ។ នៅពេលទៅដល់ ក្មេងៗ បាននាំគ្នាចុះងូតទឹកស្រះអស់ ក្មេងស្រីរងគ្រោះ ឈរនៅលើគោក គ្រានោះជនសង្ស័យបានល្បួង ក្មេងស្រីរងគ្រោះដោយបី ដើរចូលទៅក្នុងទឹកស្រះ ដែលមានកំប៉ោងច្រើន។
ជនសង្ស័យបានដាក់ក្មេងស្រី ឲ្យអង្គុយនៅលើកំប៉ោង ធ្វើសកម្មភាពរំលោភ តែត្រូវក្មេងស្រីរងគ្រោះ ស្រែកយំយ៉ាងខ្លាំង ដោយសារឈឺផ្សាខ្លាំងពេក និងបានស្រែកហៅឲ្យ ក្មេងដទៃទៀតឲ្យមកជួយ។ ឃើញដូច្នេះជនសង្ស័យ ក៏បានលើកខោស្លៀក ដើរចេញពីកន្លែងកើតហេតុ ធ្វើដូចមិនមានរឿងអ្វី កើតឡើងណោះទេ។ ក្មេងស្រីរងគ្រោះ បានរៀបរាប់ប្រាប់ឪពុកម្ដាយ ហើយក៏បានមកដាក់ពាក្យបណ្ដឹង ឲ្យនគរបាលប៉ុស្តិ៍ អន្តរាគមន៍ឃាត់ខ្លួន ជនសង្ស័យភ្លាមៗ។ ជនសង្ស័យបានសារភាពថា ខ្លួនពិតជាបានចាប់រំលោភ ក្មេងស្រីរងគ្រោះប្រាកដមែន តែពុំបានស៊ីជម្រៅ និងសម្រេចបំណងទេ៕
Source from: watphnom-news.com
Loading...
Post a Comment