ខេត្ដកំពង់ស្ពឺ៖ម៉ូតូពីរគ្រឿងបានទាក់ដៃចង្កូតគ្នាដួលប្រ៉ាវនៅលើផ្លូវជាតិបណ្តាលឲ្យមនុស្ស៣នាក់រងរបួសធ្ងន់ស្រាលត្រូវបានបញ្ជូនទៅសង្គ្រោះខេត្ដកំពង់ស្ពឺ ៖ ម៉ូតូពីរគ្រឿងបានទាក់ដៃចង្កូតគ្នា ដួលប្រ៉ាវនៅលើផ្លូវជាតិ បណ្តាលឲ្យមនុស្ស ៣នាក់ រងរបួសធ្ងន់ស្រាល ត្រូវបានបញ្ជូនទៅសង្គ្រោះ នៅមន្ទីរពេទ្យភ្លាមៗផងដែរ កាលពីវេលាម៉ោង ៥ល្ងាចថ្ងៃទី៨ ខែធ្នូ ឆ្នាំ២០១៣ នៅចន្លោះគីឡូម៉ែត្រ លេខ៤៧-៤៨ ស្ថិតក្នុងភូមិពាណិជ្ជកម្ម សង្កាត់រកាធំ ក្រុងច្បារមន ខេត្ដកំពង់ស្ពឺ។
សាក្សីបានឱ្យដឹងថា មុនកើតហេតុ គេបានឃើញជនរងគ្រោះ ២នាក់ ជិះម៉ូតូម៉ាកហុងដាសេ១២៥ ពណ៌ខ្មៅ មួយគ្រឿងក្នុងទិសដៅ ពីកើតទៅលិច លុះជិះមកដល់ចំណុចកើតហេតុ ក៏បានជែងរថយន្ដមួយគ្រឿង ដែលធ្វើដំណើរស្របទិសគ្នា ហើយក៏ជ្រុលទៅប៉ះ ដៃចង្កូតម៉ូតូម៉ាកហុងដាសេ១២៥ មួយគ្រឿងទៀត ដែលធ្វើដំណើរបញ្ច្រាសទិសគ្នា បណ្ដាលឱ្យដួលរងរបួស រដូករណែលពេញ ផ្លូវ។
ជនរងគ្រោះ ២នាក់ ជិះម៉ូតូមួយគ្រឿង ម៉ាកហុងដាសេ១២៥ ពណ៌ខ្មៅ ពាក់ស្លាកលេខ កំពង់ស្ពឺ 1E-5194 ចំណែកភាគីម្ខាងទៀត ជិះម៉ូតូម៉ាក ហុងដាសេ១២៥ ដូចគ្នា គ្មានស្លាកលេខ មិនទាន់ស្គាល់អត្តសញ្ញាណទេ។ ក្រោយកើតហេតុម៉ូតូទាំង ២គ្រឿង ត្រូវបានយកទៅរក្សាទុក នៅអធិការដ្ឋានក្រុងច្បារមន រង់ចាំឱ្យភាគីទាំងសងខាង ចូល ខ្លួនមកដោះស្រាយ តាមនីតិវិធី ៕
Source from: watphnom-news.com
Loading...
Post a Comment