ប្រទេសអេហ្ស៊ីប៖បើយោងតាមប្រភពព័ត៌មានពីcollective កាលពីថ្ងៃទី៥ខែធ្នូនេះបានប្រាប់ឲ្យដឹងថាទីក្រុងបុរាណបាតសមុទ្រប្រទេសអេហ្ស៊ីប ៖ បើយោងតាមប្រភពព័ត៌មានពី collective កាលពីថ្ងៃទី៥ ខែធ្នូនេះ បានប្រាប់ឲ្យដឹងថា ទីក្រុងបុរាណបាតសមុទ្រ អាយុកាល ១.៥០០ ឆ្នាំដែលបានកប់បាត់ ក្នុងបាតសមុទ្រ ត្រូវបានក្រុមអ្នក បុរាណវត្ថុវិទ្យា របស់បារាំងរុករកឃើញបង្កឲ្យមាន ការភ្ញាក់ផ្អើលយ៉ាងខ្លាំង។ ក្រុមអ្នកស្រាវជ្រាវបារាំង បាននិយាយថា ទីក្រុងបុរាណនេះ មានឈ្មោះថា Heracleion ស្ថិតនៅឆ្នេរសមុទ្រ ភាគខាងជើងប្រទេសអេហ្ស៊ីប ជាប់នឹងដែនសមុទ្រមេឌីទែរ៉ាណេ។
នេះអាចចាត់ទុកជាព្រឹត្តិការណ៍ ប្រវត្តិសាស្ត្រថ្មីមួយ នាសតវត្សទី២១នេះ ដែលក្រុមអ្នកស្រាវជ្រាវ រកឃើញសម្បត្តិវប្បធម៌ ដ៏មានតម្លៃធំធេង របស់ប្រទេសអេហ្ស៊ីប។ ក្រុមអ្នកស្រាវជ្រាវ បានប្រទះឃើញរូបចម្លាក់ អាទិទេពអេហ្ស៊ីបបុរាណដ៏ធំ រួមទាំងរូបចម្លាក់តូចៗ រាប់រយផ្សេងទៀត ដែលបានសាងសង់ឡើង ជារូបចម្លាក់របស់មហាក្សត្រិយានី មួយអង្គដែលសោយរាជ្យ នៅជាប់ទន្លេនីល រាប់រយឆ្នាំមុនគ្រិស្តសករាជ។
ក្រៅពីនេះនៅមានចម្លាក់សត្វ ម៉ាមមីបុរាណ ដែលត្រូវគេសម្លាប់ ដើម្បីបូជាយញ្ញ ដល់អាទិទេពម្យ៉ាង របស់អេហ្ស៊ីប នាសម័យនោះ។ ក្រុមអ្នកស្រាវជ្រាវ មិនបានដឹងជាមុនថា មានទីក្រុងបែបនេះ កប់នៅបាតសមុទ្រនោះទេ តាមពិតពួកគេបាននាំគ្នាទៅរុករកកប៉ាល់ ដែលបានលិចនៅក្នុង សង្គ្រាមរបស់មេទ័ពបារាំង Napoleon នាឆ្នាំ១៧៩៨ តែជាលទ្ធផលពួកគេ បានរកឃើញទីក្រុងបុរាណ ដែលពិភពលោកស្ទើរតែ មិននឹកស្មានដល់បែបនេះទៅវិញ៕
Source from: watphnom-news.com
Loading...
Post a Comment