រាជធានីភ្នំពេញ៖បុរសល្មោភកាមម្នាក់បានលួចចូលទៅក្នុងបន្ទប់នារីរងគ្រោះដែលដេកម្នាក់ឯងរួចចាក់សោពីខាងក្នុងធ្វើសកម្មភាពរំលោភតែមិនបានសម្រេចរាជធានីភ្នំពេញ ៖ បុរសល្មោភកាមម្នាក់ បានលួចចូលទៅក្នុងបន្ទប់ នារីរងគ្រោះដែលដេកម្នាក់ឯង រួចចាក់សោពីខាងក្នុង ធ្វើសកម្មភាពរំលោភ តែមិនបានសម្រេច ដោយសារនាងបានស្រែក ឲ្យអ្នកជិតខាង មកជួយអន្តរាគមន៍ ដោយបានធាក់ទម្លុះទ្វារ ខណៈដែលជនសង្ស័យ កំពុងធ្វើសកម្មភាព យ៉ាងរោលរាល កាលពីវេលាម៉ោង ១១យប់ ថ្ងៃទី៩ ខែធ្នូ ឆ្នាំ២០១៣ ស្ថិតនៅបន្ទប់ជួល តាមផ្លូវលំ កែងផ្លូវលេខ62R ក្រុមទី១១ ភូមិទួល-សង្កាត់ ទួលសង្កែ ខណ្ឌឫស្សីកែវ ។
ជនសង្ស័យមានឈ្មោះ លីញ លីណា អាយុ ២០ឆ្នាំ មុខរបររៀន ជួសជុលអគ្គិសនី ស្នាក់នៅបណ្ដោះអាសន្ន ក្នុងសង្កាត់បឹងកក់១ ខណ្ឌទួលគោក និងមានស្រុកកំណើត ក្នុងឃុំស្រែចែង ស្រុកជលគីរី ខេត្ដកំពត ។ ចំណែកនារីរងគ្រោះមានឈ្មោះ ច.ស.ដ អាយុ ១៩ឆ្នាំ ជាកម្មការិនីកាត់ដេរ ស្នាក់នៅបន្ទប់ជួល កើតហេតុខាងលើ និងមានស្រុកកំណើត ក្នុងភូមិ-ឃុំមេសប្រចាន់ ស្រុកពារាំង ខេត្ដព្រៃវែង ។
នារីរងគ្រោះបានឱ្យដឹងថា មុនពេលកើតហេតុ នាងនៅក្នុងបន្ទប់តែម្នាក់ឯង ដោយមិនបានដាក់ គន្លឹះទ្វារនោះទេ ព្រោះរង់ចាំមិត្ដភក្ដិម្នាក់ទៀត មកដេកជាមួយ។ ខណៈដែលនាងកំពុងដេក លង់លក់មួយសន្ទុះ ស្រាប់តែជនសង្ស័យ បានរុញទ្វារបន្ទប់ ចូលទៅខាងក្នុង ហើយបិទបារ៉ែតអគ្គិសនី និងដាក់គន្លឹះទ្វារយ៉ាងជាប់ ទើបស្ទុះចាប់អោបរឹតនាង ប៉ងរំលោភ តែនាងមិនព្រម ក៏ស្រែកឱ្យអ្នកជិតខាងជួយ ។
ជនសង្ស័យបានសារភាពថា ខ្លួនបានមកលេងមិត្ដភក្ដិ ដែលស្នាក់នៅជាប់ បន្ទប់ជួលរបស់ នារីរងគ្រោះ ហើយក៏បាននាំគ្នា ផឹកស្រាសអស់ ៣លីត្រ ទើបបែកគ្នា ចេញពីបន្ទប់នោះ ហើយនៅក្នុងកម្មវិធី ហូបចុកនោះ ក៏មាននារីរងគ្រោះដែរ តែនាងមិនបានហូបចុក ឲ្យចប់កម្មវិធីទេ គឺបានចេញទៅដេក ក្នុងបន្ទប់ជួលបាត់ទៅ ។ មួយសន្ទុះក្រោយមក ខ្លួនចេញពីកន្លែងផឹកស៊ី ឃើញបន្ទប់នាងមិនចាក់សោ ក៏ចូលទៅខាងក្នុង តែមិនទាន់បានធ្វើអ្វីផង ក៏ត្រូវនាងស្រែកថា ខ្លួនប៉ងចាប់រំលោភ៕
Source from: watphnom-news.com
Loading...
Post a Comment