ក្រុងវ៉ាស៊ិនតោន៖តាមប្រភពព័ត៌មានអាមេរិកកាលពីថ្ងៃទី១០ខែធ្នូបានប្រាប់ឲ្យដឹងថានាងJenniferក្រុងវ៉ាស៊ិនតោន ៖ តាមប្រភពព័ត៌មានអាមេរិក កាលពីថ្ងៃទី១០ ខែធ្នូ បានប្រាប់ឲ្យដឹងថា នាង Jennifer Aniston ជាតារាសម្តែងអាមេរិក បានជាប់ឈ្មោះក្នុងបញ្ជី «តារាភាពយន្ត ដែលចំណាយច្រើនបំផុត» របស់ទស្សនាវដ្តី Fordes ប្រចាំឆ្នាំ២០១៣។ ទស្សនាវដ្តី Forbes បានចុះផ្សាយថា «តារាភាពយន្តដែល ចំណាយច្រើនបំផុត» ទាំង ១០នាក់ដោយពិចារណា លើខ្សែភាពយន្តចុងក្រោយ ២ឬ៣ រឿង ដែលតារាទាំងនេះ បានសម្តែងក្នុងរយៈពេល ៣ឆ្នាំចុងក្រោយ ដោយគិតត្រឹមថ្ងៃទី១ ខែមិថុនា ឆ្នាំ២០១៣។
ការទទួលបានចំណូល ជាមធ្យមរបស់ពួកគេ ត្រូវបានគិតនឹងការចំណាយថវិកា ផលិតខ្សែភាពយន្ត និងទិន្នន័យ ចំណាយផ្សេងៗទៀត។ តារាសម្តែងលោក Adam Sandler បាននៅចំណាត់ថ្នាក់លេខ ១ ក្នុងបញ្ជីអ្នកជាប់ឈ្មោះ លើគេទាំង ១០នាក់។ ខ្សែភាពយន្តល្បី របស់លោកមានរឿង "Jack & Jill" និងរឿង "That's My Boy" ដែលលោក អាចរកបាន ១៥លានដុល្លារ ប៉ុន្តែលោកចំណាយអស់ ១ដុល្លារ សម្រាប់ការទទួលបាន ជាមធ្យម ៣,៤០ដុល្លារ។
ដោយឡែកម្ចាស់ ពានរង្វាន់អូស្ការ នាង Reese Witherspoon បានស្ថិតនៅលេងរៀងទី ៣ដោយនាងចំណាយអស់ ១ដុល្លារសម្រាប់ ការទទួលបានជាមធ្យម ៣,៩០ដុល្លារ។ ចំណែកកំពូលតារាចម្រៀងស្រី អតីតប្រពន្ធរបស់ ប្រែដភិត នាង Aniston ស្ថិតនៅលេខ ៨ ដោយរាល់ការចំណាយ ១ដុល្លារសម្រាប់ ការចូលមកវិញ ១០,៦០ដុល្លារ។ ទស្សនាវដ្តី Forbes នាង Jennifer Aniston ទទួលបានជោគជ័យខ្លាំង សម្រាប់ការសម្តែង ជាតួរងខ្លាំងជាការសម្តែង ជាតួឯកទៅវិញក្នុងរយៈពេលថ្មីៗនេះ។
បើតាមសារព័ត៌មាន Hollywood Reporterដែលបានចុះផ្សាយ កាលពីខែវិច្ឆិកាបានឲ្យដឹងថា តារាភាពយន្តវ័យ ៤៤ឆ្នាំរូបនេះ អាចរកប្រាក់បាន ៥លានដុល្លារសម្រាប់ ការសម្តែងបែបកំប្លែងម្តង។ ខ្សែភាពយន្តដែលនាង ទទួលបានជោគជ័យ ដូចជារឿង "We're theMillers," "Marly & Me" និងរឿង "Just Go With It." ជាដើម ហើយតារាភាពយន្តស្រីរូបនេះ ជាតារាសម្តែងលំដាប់ជួរមុខ និងមានកេរ្តិ៍ឈ្មោះល្បីល្បាញ៕
Source from: watphnom-news.com
Loading...
Post a Comment