ចង់ចំណេញបែកគំនិតទៅទិញ លុយដុល្លារក្លែងក្លាយមកចាយវាយ ត្រូវប៉ូលិសឃាត់ខ្លួន
ក្រុងប៉ោយប៉ែត៖សមត្ថកិច្ចប៉ូលិសក្រុងប៉ោយប៉ែតបានឃាត់ខ្លួនជនសង្ស័យ២នាក់កាលពីល្ងាចថ្ងៃទី១៥ខែមករាក្រុងប៉ោយប៉ែត ៖ សមត្ថកិច្ចប៉ូលិស ក្រុងប៉ោយប៉ែត បានឃាត់ខ្លួនជនសង្ស័យ ២នាក់ កាលពីល្ងាចថ្ងៃទី១៥ ខែមករា ឆ្នាំ២០១៤ នៅក្នុងភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ពាក់ព័ន្ធករណី ចរាចរណ៍ប្រាក់ដុល្លារក្លែងក្លាយ ដោយទិញបន្តពីបុរសម្នាក់ នៅជាប់ព្រំដែនកម្ពុជា-ថៃ ក៏ត្រូវសមត្ថកិច្ចស្រាវជ្រាវចាប់ខ្លួន ពេលកំពុងចាយវាយតែម្តង។
សមត្ថកិច្ចជំនាញបានស្រាវជ្រាវ រកមុខសញ្ញា ក្រុមជនខិលខូចលួច ចរាចរលុយដុល្លារក្លែងក្លាយ និងឈានទៅដល់ការឃាត់ខ្លួន ជនសង្ស័យចំនួន ២នាក់ ខណៈដែល ពួកគេ កំពុងធ្វើសកម្មភាព ចាយលុយដុល្លារក្លែងក្លាយ នៅចំណុច ភូមិសាស្ត្រខាងលើ ។ សមត្ថកិច្ចបានដកហូតវត្ថុតាង មានលុយដុល្លារក្លែងក្លាយ សរុបចំនួន ២០៣០០ ដុល្លារ ក្រដាសប្រាក់១ដុល្លារ ចំនួន ៦៦៤ សន្លឹក នៅសល់ប៉ុន្មាន ជាក្រដាសប្រាក់ ១០០ដុល្លារក្លែងក្លាយ តែម្តង ។
លោក អ៊ុំ សុផល អធិការក្រុងប៉ោយប៉ែត បានឲ្យដឹងថា ជនសង្ស័យទាំង ២នាក់នេះ មានឈ្មោះ តាំង ធារិទ្ឋ ភេទប្រុស អាយុ ៣៨ឆ្នាំ និងឈ្មោះ ងួន ងៅ ភេទប្រុស អាយុ ៥៣ឆ្នាំ ទាំង ២នាក់រស់នៅភូមិភ្នំលាប ឃុំភ្នំលាប ស្រុកព្រះនេត្រព្រះ ខេត្តបន្ទាយមានជ័យ ។ ជនសង្ស័យបានសារភាពថា ខ្លួនពិតជាបានប្រព្រឹត្តល្មើសច្បាប់ ដោយប្រាក់ដុល្លារក្លែងក្លាយទាំងអស់នេះ គឺពួកគេបានទិញបន្តពី បុរសម្នាក់ទៀត នៅក្នុងខេត្តបន្ទាយមានជ័យ ជាប់ព្រំដែនកម្ពុជា-ថៃ ដោយក្នុងក្រដាសប្រាក់ ១០០ដុល្លារក្លែងក្លាយ គឺគេយកតែចំនួន ៣០ដុល្លារ លុយសុទ្ឋតែប៉ុណ្ណោះ ៕
Source from: watphnom-news.com
Loading...
Post a Comment