តោខៀវ Chelsea នៅ​តែ​តាម​ប្រមាញ់​ពាន​យ៉ាង​ក្ដៅ​គគុក

1/20/2014 09:53:00 PM

ក្រោយបំបាក់បិសាចក្រហម Manchester United 3-1 នៅយប់មិញមក ក្លិបអ្នកមាននៅអង់គ្លេសតោខៀវ Chelsea នៅតែជាក្រុមដែលដេញតាមប្រមាញ់យកពានរដូវកាលនេះយ៉ាងប្រកៀក ដោយតាមពីក្រោយក្រុមលេខមួយ Arsenal ២ពិន្ទុ និងលេខ២ Manchester City ត្រឹមតែ១ពិន្ទុប៉ុណ្ណោះ។

United ចាប់ផ្ដើមតង់មកបានយ៉ាងល្អ ប៉ុន្តែឱកាសល្អបំផុតរបស់ពួកគេដែលអាចធ្វើបានគឺការស៊ុតរបស់ Ashly Young ពីរមុំមួយដ៏ចង្អៀត។ ពួកគេបោះបាល់ចូលយ៉ាងច្រើន ប៉ុន្តែអាចនិយាយបានថា ស្ថិតនៅក្នុងគុណភាពទាបដើម្បីរកគ្រាប់។

Samuel Eto’o រកគ្រាប់បានដោយការស៊ុតឆិតនឹងកជើងរបស់ Michael Carrick ហើយរំលង David Gea។ បន្តិក្រោយមកបិសាចក្រហមគួរតែបានបាល់ពិន័យ១១ម៉ែត្រមួយគ្រាប់នៅពេល Cesar Azpilicueta រត់ទៅបុកខ្នងរបស់ Danny Welbeck។

ជិតចប់តង់ទីមួយទៅហើយ Eto’o រកបានគ្រាប់ទីពីរ ពេលគេទទួលបានការបោះបាល់កាត់ទាបរបស់ Gary Cahill ខណៈបិសាចក្រហមមិនអាចស្កាត់ទាត់បាល់ឱ្យឆ្ងាយពីតំបន់គ្រោះថ្នាក់បាន។

ចូលដល់តង់ទីពីរមិនបានប៉ុន្មាននាទី Eto’o អាចរកគ្រាប់បាល់ហ៊ែតទ្រីករបស់ខ្លួនបាន ដែលជាគ្រាប់បាល់ធ្វើឱ្យក្រុមរបស់លោក ម៉ូរីញ៉ូកាន់តែមានសង្ឃឹមខ្ពស់ក្នុងការតាមប្រដេញ Arsenal និង Manchester City យកជើងឯករដូវកាលនេះ៕
ប្រភភពីៈ NOB70