មកពីហូបការស្រវឹង ជិះម៉ូតូទៅបុកដើមក្រខុប ដួលបែកក្បាល និងបាក់.ក ស្លាប់មួយរំពេច
ខេត្តកណ្តាល៖បុរសម្នាក់បន្ទាប់ពីផឹកស៊ីស្រវឹងបើកម៉ូតូមួយគ្រឿងតែម្នាក់ឯងយ៉ាងលឿនជ្រុលទៅបុកដើមក្រខុបខាងមុខផ្ទះអ្នកភូមិនៅក្បែរចិញ្ចើមផ្លូវក្រាលកៅស៊ូមួយខ្សែខេត្តកណ្តាល ៖ បុរសម្នាក់បន្ទាប់ពីផឹកស៊ីស្រវឹង បើកម៉ូតូមួយគ្រឿងតែម្នាក់ឯង យ៉ាងលឿនជ្រុលទៅបុក ដើមក្រខុបខាងមុខផ្ទះអ្នកភូមិ នៅក្បែរចិញ្ចើមផ្លូវ ក្រាលកៅស៊ូមួយខ្សែ ស្ថិតក្នុងភូមិអំពិល ឃុំក្រាំងយ៉ូវ ស្រុកស្អាង ខេត្តកណ្តាល បណ្តាលឲ្យស្លាប់មួយរំពេច កាលពីវេលាម៉ោង ២១និង៣០ នាទី ថ្ងៃទី២០ ខែកុម្ភៈ ឆ្នាំ២០១៤ ។
ជនរងគ្រោះដែលស្លាប់ មានឈ្មោះ ឡូ វ៉ាន់ថា ភេទប្រុស អាយុ ២៦ឆ្នាំ មានទីលំនៅ ក្នុងភូមិព្រែកថ្មី ឃុំទឹកវិល ស្រុកស្អាង ជិះម៉ូតូមួយគ្រឿង ម៉ាកហុងដាឌ្រីម ធុនសេ១២៥ ស៊េរីឆ្នាំ២០០៣ ពណ៌ខ្មៅ ស្លាកលេខ. យ.៣៤២៨-ភព១ ។ នៅមុនពេលកើតហេតុ ជនរងគ្រោះបានទៅហូបការ កូនអ្នកស្រុក ក្នុងភូមិកណ្តាល ឃុំក្រាំងយ៉ូវ ស្រុកស្អាង ។
បន្ទាប់ពីផឹកស៊ីស្រវឹងហើយនោះ ជនរងគ្រោះ បានជិះម៉ូតូចេញពី ពិធីមង្គលការ ត្រឡប់ទៅផ្ទះ នៅភូមិព្រែកថ្មី ឃុំទឹកវិល ស្រុកស្អាង តែម្នាក់ឯ ។ លុះដល់កន្លែងកើតហេតុ ជាផ្លូវកោង ជនរងគ្រោះ ពុំបានបន្ថយល្បឿន ក៏ជ្រុលទៅបុក ដើមក្រខុប នៅក្បែរចិញ្ចើមផ្លូវ បណ្តាលឲ្យរងរបួស បែកក្បាល និងបាក់.ក ស្លាប់ភ្លាមៗមួយរំពេច ។ ចំណែកម៉ូតូ រងការខូចខាតមធ្យម តែប៉ុណ្ណោះ៕
Source from: watphnom-news.com
Loading...
Post a Comment