សមត្ថកិច្ចចម្រុះចាប់ឡានដឹកឈើប្រណីត ចំណុះ ៥តោនកន្លះ ប្រុងលោតឆត្រទៅវៀតណាម
ខេត្តក្រចេះ៖កម្លាំងសមត្ថកិច្ចចម្រុះរួមមានកម្លាំងជំនាញរដ្ឋបាលព្រៃឈើសង្កាត់ស្នួលសហការជាមួយនគរបាលប្រឆាំងបទល្មើសសេដ្ឋកិច្ចខេត្តក្រចេះ ៖ កម្លាំងសមត្ថកិច្ចចម្រុះ រួមមានកម្លាំងជំនាញ រដ្ឋបាលព្រៃឈើ សង្កាត់ស្នួល សហការជាមួយ នគរបាលប្រឆាំងបទល្មើសសេដ្ឋកិច្ច ក្រសួងមហាផ្ទៃ និងកម្លាំងនគរបាលស្រុកស្នួល បានធ្វើការស្ទាក់ចាប់ រថយន្តកូរ៉េចំណុះ ៥តោនកន្លះ មួយគ្រឿង បន្ទាប់ពីមានការសង្ស័យថា មានលួចផ្ទុកឈើប្រណិតខុសច្បាប់ កាលពីល្ងាចថ្ងៃទី២២ ខែមីនា ឆ្នាំ២០១៤ នៅចំណុចឃុំ ២ធ្នូ ស្រុកស្នួល ខេត្តក្រចេះ ។
មន្ត្រីនគរបាលសេដ្ឋកិច្ច ក្រសួងមហាផ្ទៃ ប្រចាំស្រុកស្នួល បានឱ្យដឹងថា បន្ទាប់ពីមានការសង្ស័យថា រថយន្តខាងលើដឹកឈើខុសច្បាប់ សមត្ថកិច្ចក៏បានចុះទៅ ធ្វើការត្រួតពិនិត្យនិងឆែកឆេរ រកឃើញសុទ្ធតែឈើប្រណិត ប្រភេទនាងនួន និងឈើធ្នង់ រាប់សិបកំណាត់ ដែលក្រុមឈ្មួញបានលួចបង្កប់ ក្នុងបំណងដឹកយកទៅលក់ នៅប្រទេសវៀតណាម ដោយឆ្លងកាត់តាមស្រុកស្នួល។ បន្ទាប់បីរកឃើញឈើប្រណិត រាប់សិបកំណាត់ខាងលើ សមត្ថកិច្ចក៏បានចាប់បញ្ជូនរថយន្ត និងឈើប្រណីតទាំងនោះ ទៅជំនាញរដ្ឋបាលព្រៃឈើ សង្កាត់ស្នួល ដើម្បីចាត់ការបន្ត។
ចំណែកឯអ្នកបើកបររថយន្តដឹកឈើ បានរត់គេចខ្លួនបាត់ស្រមោល ដោយមិនបានស្គាល់អត្តសញ្ញាណ នោះទេ នៅពេលឃើញកម្លាំងសមត្ថកិច្ច ឡោមព័ទ្ធចាំបង្ក្រាប ទំនងជាដឹងខ្លួនមុន ក៏បានដាក់មេប្រូចស្ងាត់ឈឹង។ បច្ចុប្បន្នទាំងរថយន្ត ទាំងឈើប្រណីត ត្រូវបានកម្លាំងជំនាញនាំយកទៅ រក្សាទុកនៅសួនអាពាហ៍ពិពាហ៍ ស្ថិតនៅក្នុងផ្នែករដ្ឋបាលព្រៃឈើ ឆ្លូង-ស្នួល ដើម្បីចាត់ការបន្ត តាមនីតិវិធី៕ ដោយ គឹម ហ៊ាត
Source from: watphnom-news.com
Loading...
Post a Comment