បាឡែនបែកកង់ក្រឡាប់ធ្លាក់ផ្លូវរបួសធ្ងន់ ៣នាក់ ត្រូវបញ្ជូនទៅសង្គ្រោះនៅវៀតណាម
ខេត្តរតនគិរី៖រថយន្តកាមរីបាឡែនពណ៌ទឹកប្រាក់មួយគ្រឿងគ្មានស្លាកលេខបើកចេញពីទីរួមខេត្តរតនគិរីតាមផ្លូវជាតិលេខ៧៦ចូលទីរួមខេត្តរតនគិរីខេត្តរតនគិរី ៖ រថយន្តកាមរីបាឡែន ពណ៌ទឹកប្រាក់មួយគ្រឿង គ្មានស្លាកលេខ បើកចេញពីទីរួមខេត្តរតនគិរី តាមផ្លូវជាតិលេខ៧៦ ចូលទីរួមខេត្តរតនគិរី បានបែកកង់មុខ រេចង្កូតធ្លាក់ចេញពីថ្នល់ជាតិ ក្រឡាប់ជាច្រើនត្រឡប់ បណ្តាលឲ្យអ្នកដំណើរ ដែលជិះក្នុងរថយន្ត រងរបួសធ្ងន់ស្រាល ៣នាក់ កាលពីវេលាម៉ោង ៩និង២៥ នាទីព្រឹកថ្ងៃទី២៣ ខែមីនា ឆ្នាំ២០១៤ ហើយភ្លាមៗនោះសមត្ថកិច្ចមូលដ្ឋាន បានចុះទៅជួយអន្តរាគមន៍ បញ្ជូនជនរងគ្រោះ ទៅកាន់មន្ទីរពេទ្យ បង្អែក ខេត្តរតនគិរី។
សាក្សីបានឲ្យដឹងថា ពួកគាត់បានឃើញ រថយន្តខាងលើ បើកបរក្នុងទិសដៅ ពីត្បូងទៅជើង ស្រាប់តែបែកកង់មុខ បណ្តាលឲ្យរេចង្កូត ធ្លាក់ថ្នល់ជាតិក្រឡាប់ ជាច្រើនត្រឡប់តែម្តង។ជនរងគ្រោះទី១-ឈ្មោះ មាស ចិន្ត្រា អាយុ ២០ឆ្នាំ រស់នៅភ្នំពេញ របួសធ្ងន់ ទី២ -ឈ្មោះ ហាក់ រស់នៅភ្នំពេញ របួសធ្ងន់ និងទី៣-ឈ្មោះ ប៊ុន សាវី អាយុ ២៩ឆ្នាំស្នាក់នៅ ខណ្ឌ ឫស្សីកែវ រាជធានីភ្នំពេញ របួសស្រាល ជាអ្នកបើកបរ។ ក្រុមគ្រូពេទ្យបង្អែក ខេត្តរតនគិរី បានឲ្យដឹងថា បុរសរបួសធ្ងន់ទាំង ២នាក់ ខាងលើនេះ នឹងត្រូវបញ្ជូនបន្តទៅព្យាបាល នៅប្រទេសវៀតណាម នៅពេលដែលក្រុមគ្រួសារមកដល់ ៕
Source from: watphnom-news.com
Loading...
Post a Comment