រំលោភ​កូនស្រី​អ្នកលក់​បាយ ហើយ​រៀបការ​បាន ៤​ថ្ងៃ ចុះចោល​ប្រពន្ធ ត្រូវ​ម្តាយក្មេក​ប្តឹង​

Daily News, In Khmer, sex, Sexy, Social News

3/26/2014 02:00:00 PM

រំលោភកូនស្រីអ្នកលក់បាយ ហើយរៀបការបាន ៤ថ្ងៃ ចុះចោលប្រពន្ធ ត្រូវម្តាយក្មេកប្តឹង

ខេត្តកំពត៖ជនសង្ស័យម្នាក់ជាបុគ្គលិកធនាគារប្រាសាក់ត្រូវបានសមត្ថកិច្ចឃាត់ខ្លួនដើម្បីសាកសួរនិងកសាងសំណុំរឿងបញ្ជូនទៅសាលាដំបូង

ខេត្តកំពត ៖ ជនសង្ស័យម្នាក់ ជាបុគ្គលិកធនាគារ ប្រាសាក់ ត្រូវបានសមត្ថកិច្ចឃាត់ខ្លួន ដើម្បីសាកសួរនិងកសាងសំណុំរឿង បញ្ជូនទៅសាលាដំបូង នៅព្រឹកថ្ងៃទី២៦ ខែមីនា ឆ្នាំ២០១៤ ដោយយោងតាមដីការបស់ព្រះរាជអាជ្ញា ក្រោមបទចោទប្រកាន់ពីការ រួមភេទជាមួយអនីតិជន កាលពីថ្ងៃទី២៤ ខែមីនា ឆ្នាំ២០១៤ បន្ទាប់ពីមានពាក្យបណ្តឹង របស់ម្តាយក្មេក។

ជនសង្ស័យឈ្មោះ មៀច លាងហុង អាយុ ២៨ឆ្នាំ ជាបុគ្គលិកធនាគារប្រាសាក់ ស្នាក់នៅភូមិក្រាំង សង្កាត់ក្រាំងអម្ពិល ក្រុងកំពត ខេត្តកំពត មានស្រុកកំណើត នៅភូមិបន្ទាយ ឃុំជីខ្មា ស្រុកទ្រាំង ខេត្តតាកែវ។ កាលពីថ្ងៃទី២០ ខែមីនា ឆ្នាំ២០១៤ សមត្ថកិច្ច បានទទួលពាក្យបណ្តឹង ពីស្ត្រីឈ្មោះ មាស ស៊ីណា មានទីលំនៅភូមិទ្វីខាងត្បូង សង្កាត់អណ្តូងខ្មែរ ក្រុងកំពត ខេត្តកំពត បានចោទប្រកាន់ថាឈ្មោះ មៀច លាងហុង បានរួមភេទជាមួយកូនស្រីរបស់ខ្លួន ដែលស្ថិតក្នុងវ័យជាអនីតិជន។

គួរបញ្ជាក់ថា បណ្តឹងស្តីពីបទរួមភេទ ជាមួយអនីតិជននោះ កើតឡើងដោយសារ ស្ត្រីជាម្តាយ ក្មេក របស់ជនសង្ស័យ ខឹងកូនប្រសារ ចុះចោលប្រពន្ធ ដែលជាកូនរបស់គាត់ បន្ទាប់ពីរៀបការកាលពីថ្ងៃទី១៥ ខែមីនា ឆ្នាំ២០១៤។ ក្រោយពេលរៀបការ បានមួយថ្ងៃឈ្មោះ មៀច លាងហុង បានយកខោអាវ ចាកចេញពីផ្ទះប្រពន្ធ ទើបបង្កឱ្យម្តាយក្មេកខឹង និងឈានទៅដាក់ពាក្យបណ្តឹង។ អំឡុងឆ្នាំ២០១២ ឈ្មោះ មៀច លាងហុង មកធ្វើការងារនៅភ្នំបូកគោ ដោយហូបបាយ ខែ របស់ស្ត្រី មាស ស៊ីណា រហូតមានទំនាក់ទំនង ជាមួយកូនស្រី អ្នកលក់បាយរូបនេះ។

ក្រោយមកឈ្មោះ មៀច លាងហុង ក៏ប្តូរការងារទៅធនាគារប្រាសាក់វិញ ហើយឈប់ហូបបាយខែរបស់ស្ត្រីនោះ តែការទំនាក់ទំនង ជាមួយកូនស្រីនៅតែបន្ត។ នៅយប់ថ្ងៃទី១០ ខែមេសា ឆ្នាំ២០១៣ ឈ្មោះ មៀច លាងហុង ក៏បង្កើតកម្មវិធីហូបបាយនៅផ្ទះ ស្ត្រីឈ្មោះ មាស ស៊ីណា មានទាំងការពិសាស្រាបៀផង។ ពេលស្រវឹងទាំងស្ត្រីម្ចាស់ផ្ទះ ទាំងភ្ញៀវទើបការហូបចុកបានបញ្ឈប់ ហើយឈ្មោះ មៀច លាងហុង បានសុំសម្រាកនៅផ្ទះនោះ ព្រោះខ្លាចមានគ្រោះថ្នាក់តាមផ្លូវ ហើយទំនងជាមានឱកាសល្អ ឈ្មោះ មៀច លាងហុង បានចាប់រំលោកកូនស្រីម្ចាស់ផ្ទះរហូតបានសម្រេច។

រយៈពេលថ្ងៃក្រោយមក រឿងចាប់រំលោភបានបែកធ្លាយ ទើបស្ត្រីជាម្តាយទូរស័ព្ទ ហៅឈ្មោះ មៀច លាងហុង មកសួរនាំក៏កើតជាការសន្យាថា ចូលស្តីដណ្តឹងរៀបការតាមប្រពៃណី ក្នុងករណីដែល ធ្វើច្បាប់អាពាហ៍ពីពាហ៍បាន។ ដូចការសន្យា ភាគីខាងប្រុសបាននាំ ឪពុកម្តាយចូលស្តីដណ្តឹង និងដាក់ថ្ងៃរៀបការ គឺថ្ងៃទី១៥ ខែមីនា ឆ្នាំ២០១៤។ មិនដឹងថា មានការ គិតឃើញយ៉ាងណា ស្រាប់តែមួយថ្ងៃបន្ទាប់ បែរជាកូនកំលោះ ដែលបានរៀបការថ្មីថ្មោង យកខោអាវ ចុះចោលប្រពន្ធ ធ្វើឲ្យស្ត្រីជាម្តាយខឹង បង្កឱ្យមានការប្តឹង ពីបទរួមភេទជាមួយ អនីតិជនតែម្តង៕

Source from: watphnom-news.com