មន្ត្រីធំម្នាក់នៅទីស្ដីការគណៈរដ្ឋមន្ដ្រី បើកឡានបុក សិស្សវិទ្យាល័យស្អាង រងរបួសបាក់ភ្លៅ
ខេត្តកណ្ដាល៖មន្ដ្រីជាន់ខ្ពស់ម្នាក់បម្រើការងារនៅទីស្ដីការគណៈរដ្ឋមន្ដ្រីបានបើករថយន្ដម៉ាកមែកសឺដែសទៅបុកយុវជនម្នាក់ជាសិស្សវិទ្យាល័យស្អាងក្នុងទិសដៅបញ្ច្រាសគ្នាខេត្តកណ្ដាល ៖ មន្ដ្រីជាន់ខ្ពស់ម្នាក់បម្រើការងារ នៅទីស្ដីការគណៈរដ្ឋមន្ដ្រី បានបើករថយន្ដ ម៉ាកមែកសឺដែស ទៅបុកយុវជនម្នាក់ជា សិស្សវិទ្យាល័យស្អាង ក្នុងទិសដៅបញ្ច្រាសគ្នា បណ្ដាលឱ្យយុវជនរងគ្រោះ រងរបួសធ្ងន់ដោយបាក់ភ្លៅម្ខាង រីឯម៉ូតូនិងរថយន្ដ រងការខូចខាតដូចគ្នា កាលពីវេលាម៉ោង ៩ ព្រឹកថ្ងៃទី២៥ ខែមេសា ឆ្នាំ២០១៤ ស្ថិតនៅមុខមន្ទីរពេទ្យបង្អែក ស្រុកស្អាង ក្នុងភូមិព្រែករុន ឃុំព្រែកគយ ស្រុកស្អាង ។
មន្ដ្រីនគរបាលឲ្យដឹងថា អ្នកបើករថយន្ដ គឺជាមន្ដ្រីជាន់ខ្ពស់មួយរូប នៅទីស្ដីការគណៈរដ្ឋមន្ដ្រី ឋានៈឯកឧត្ដម ឈ្មោះ កុយ ប៉ារាមូន អាយុ ៦៤ឆ្នាំ រស់នៅភូមិព្រៃតាឡៃ ឃុំព្រែកអំបិល ស្រុកស្អាង រីឯយុវសិស្ស នៅវិទ្យាល័យស្អាង ឈ្មោះ យុទ្ធ វុទ្ធី អាយុ ១៧ ឆ្នាំ រស់នៅភូមិព្រៃទទឹង ឃុំខ្ពប ស្រុកស្អាង ខេត្ដកណ្ដាល ។ មុនពេលកើតហេតុ រថយន្ដម៉ាកមែកសឺដែស ពាក់ស្លាកលេខ រាជការ ១៥៩០ ពណ៌ទឹកប្រាក់ លាយប្រផេះ ធ្វើដំណើរក្នុងទិសដៅ ពីត្បូងទៅជើង តាមបណ្ដោយផ្លូវជាតិលេខ២១ ហើយប្រជែងរថយន្ដ ១គ្រឿង ក៏ជ្រុលទៅបុកយុវសិស្ស ដែលកំពុងបើកម៉ូតូម៉ាក ហុងដា សេ១២៥ ស៊េរីឆ្នាំ២០១១ ពាក់ស្លាកលេខ កណ្ដាល ១អិន ៥០៤៤ យ៉ាងពេញទំហឹងតែម្តង៕
Source from: watphnom-news.com
Loading...
Post a Comment