ប៉ូលិសសេដ្ឋកិច្ចខេត្តរតនគិរី បង្ក្រាបឡានដឹកឈើស៊េរីទំនើប របស់ឈ្មួញមានអំណាច
ខេត្តរតនគិរី៖កម្លាំងសមត្ថកិច្ចការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តបានសហការជាមួយសមត្ថកិច្ចមូលដ្ឋានស្រុកអូរជុំធ្វើការបង្ក្រាបរថយន្តដឹកបទល្មើសឈើប្រណិតចំនួនខេត្តរតនគិរី ៖ កម្លាំងសមត្ថកិច្ចការិយាល័យ ប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត បានសហការជាមួយ សមត្ថកិច្ចមូលដ្ឋានស្រុកអូរជុំ ធ្វើការបង្ក្រាបរថយន្ត ដឹកបទល្មើសឈើប្រណិតចំនួន ១គ្រឿង ខណៈដែលរថយន្តនោះ បានធ្វើចរាចរចេញពីទីរួមស្រុកវ៉ើនសៃ តាមផ្លូវលំក្រាលគ្រួសក្រហម ភ្ជាប់មកក្រុងបានលុង កាលពីវេលាម៉ោង ១និង៥០ នាទីរសៀល ថ្ងៃទី០៧ ខែឧសភា ឆ្នាំ២០១៤។
រថយន្តដែលបង្ក្រាបបាននោះ ដឹកឈើប្រណិតពេញប្រៀបមួយគ្រឿង រថយន្តម៉ាធុនត្រា ពណ៌ខ្មៅ ពាក់ស្លាកលេខ ភ្នំពេញ 2V-4175 ម្ចាស់រថយន្តមិនបានស្គាល់ អត្តសញ្ញាណនោះទេ ដោយអ្នកបើកបររត់គេចខ្លួនបាត់ស្រមោល បន្សល់ទុករថយន្ត និងឈើប្រណិត នៅកន្លែងកើតហេតុ ស្ថិតនៅចំណុច ភូមិថារ៉ងស្វាយ ឃុំអូរជុំ ខេត្តរតនគិរី។ មន្ត្រីនគរបាល ប្រឆាំងបទល្មើសសេដ្ឋកិច្ច នៃស្នងការដ្ឋាននគរបាល ខេត្តរតនគិរី បានអោយដឹងថា គាត់នឹងធ្វើការបង្ក្រាបរថយន្ត ដឹកបទល្មើសបន្តទៀត ដែលឈ្មួញគ្រប់ប្រភេទ កំពុងធ្វើសកម្មភាព ដោយគ្មានច្បាប់ទម្លាប់។
ប្រភពបានបន្តទៀតថា ឈើប្រណិត និងរថយន្ត ដែលបង្ក្រាបបាននេះ នាំមករក្សាទុកនៅឯ ស្នងការដ្ឋាននគរបាលខេត្ត និងបំពេញបែបបទ ប្រគល់ទៅអោយ ជំនាញរដ្ឋបាលព្រៃឈើស្រុកអូរជុំ រីឯចំនួនឈើប្រណិត ដែលធ្វើការរឹបអូសបាន នៅពុំទាន់កំណត់ចំនួនដុំ ពិតប្រាកដនោះទេ។ គួររំលឹកផងដែរថា មួយរយៈចុងក្រោយនេះ ឈ្មួញគ្រប់ប្រភេទសុទ្ធសឹង ជាអ្នកមានបុណ្យស័ក្តិ និងអំណាច តែងផ្តុំគ្នាដឹកបទល្មើស ទាំងយប់ទាំងថ្ងៃ ដោយប្រើប្រាស់រថយន្ត ស៊េរីទំនើបៗ មិនញញើតនិងសមត្ថកិច្ចតាមដងផ្លូវ។ មានការបញ្ជាក់ផងដែរថា ក្រុមឈ្មួញទាំងនេះ អាចដឹកឈើបានដោយរលូនល្អ ក៏ព្រោះតែពួកគេបានត្រូវរ៉ូវ ជាមួយជំនាញរដ្ឋបាលព្រៃឈើ៕ ដោយ បានលុង
Source from: watphnom-news.com
Loading...
Post a Comment