ប្រចណ្ឌប្តីរឿងដើរផឹកស៊ីភ្លេចប្រពន្ធ ចាក់សាំងដុតខ្លួនទាំងមានកូនក្នុងផ្ទៃ ៤ខែគួរឲ្យរន្ធត់
ខេត្តរតនគិរី៖ស្ត្រីវ័យក្មេងជាប្រពន្ធដែលកំពុងមានផ្ទៃពោះ៤ខែបានយកដបសាំងមកចាក់ដុតខ្លួនឯងនិងកូនដោយសាររឿងប្រចណ្ឌខេត្តរតនគិរី ៖ ស្ត្រីវ័យក្មេងជាប្រពន្ធ ដែលកំពុងមានផ្ទៃពោះ ៤ខែ បានយកដបសាំង មកចាក់ដុតខ្លួនឯង និងកូន ដោយសាររឿងប្រចណ្ឌ ហើយពេលនោះ បុរសជាប្តីបានចូលទៅជួយ បណ្តាលឲ្យរងរបួស ទាំងសងខាង កាលពីវេលាម៉ោង ២រសៀល ថ្ងៃទី៦ ខែឧសភា ឆ្នាំ២០១៤ នៅភូមិ៧មករា សង្កាត់ឡាបានសៀក ក្រុងបានលុង ខេត្តរតនគិរី។
ស្ត្រីជាប្រពន្ធចិត្តស្លុយ មានឈ្មោះ អ៊ាម ភៀន អាយុ ២៩ឆ្នាំ ជនជាតិខ្មែរ បានចាក់សាំងដុតខ្លួន ចំណែកបុរសជាប្តី មានឈ្មោះ សួន ដា អាយុ ៣២ឆ្នាំ ជនជាតិខ្មែរ ធ្វើមេការជាងសំណង់។ បុរសជាប្តីបានឲ្យដឹងថា ប្រពន្ធរបស់គាត់បានដុតខ្លួន ព្រោះខឹងគាត់ មិនឲ្យលក់ម៉ូតូម៉ាក់វេវ អាល់ហ្វា និងប្រច័ណ្ឌគាត់ផងដែរ ចំណែកស្ត្រីជាប្រពន្ធ ក៏បានបញ្ជាក់ផងដែរថា ប្តីរបស់ខ្លួន បានផឹកស្រាស្រវឹងរាល់ថ្ងៃ ភ្លេចប្រពន្ធតែរហូត ។
បន្ទាប់ពីមានទំនាស់ពាក្យសម្តីរួចមក ប្រពន្ធបានយកសាំងចាក់ពីលើខ្លួន ហើយក៏បានយកដែកកេះ មកកេះដុតតែម្តង ប៉ុន្តែត្រូវបានប្តីស្ទុះទៅជួយ ត្រូវភ្លើងឆេះដៃធ្វេង ចំណែកប្រពន្ធរងរបួសធ្ងន់ បង្កឲ្យមានការភ្ញាក់ផ្អើល ដល់អ្នកជិតខាង នាំគ្នាជួយអន្តរាគមន៍ ដឹកបញ្ជូនទៅសង្គ្រោះនៅមន្ទីរពេទ្យ ដែលហេតុការណ៍នេះ អាចចាត់ទុកជាសំណាងហើយ ដោយមិនមានគ្រោះថ្នាក់ ដល់អាយុជីវិត៕
Source from: watphnom-news.com
Loading...
Post a Comment