ដោយសារជម្ងឺសរសៃប្រសាទធ្វើទុក្ខ និងដើរផឹកស្រវឹងរាល់ថ្ងៃ ចុងក្រោយចងកសម្លាប់ខ្លួន
ខេត្តកំពង់ចាម៖បុរសម្នាក់បានចងកសម្លាប់ខ្លួននៅខាងក្រោយផ្ទះរបស់ខ្លួនបង្កឲ្យមានការភ្ញាក់ផ្អើលកាលពីព្រឹកថ្ងៃទី៦ខែឧសភាឆ្នាំ២០១៤ចំណុចខាងកើតខេត្តកំពង់ចាម ៖ បុរសម្នាក់បានចងកសម្លាប់ខ្លួន នៅខាងក្រោយផ្ទះរបស់ខ្លួន បង្កឲ្យមានការភ្ញាក់ផ្អើល កាលពីព្រឹកថ្ងៃទី៦ ខែឧសភា ឆ្នាំ២០១៤ ចំណុចខាងកើត ស្ពានគីហ្សូណា ស្ថិតក្នុងភូមិទន្លេបិទលើ ឃុំទន្លេបិទ ស្រុកត្បូងឃ្មុំខេត្តកំពង់ចាម ដោយសារជម្ងឺ សរសៃប្រសាទធ្វើទុក្ខ និងតែងតែដើរផឹកស្រា ស្រវឹងរាល់ថ្ងៃ។
ជនរងគ្រោះមានឈ្មោះ កុក ឃឿន ភេទប្រុស អាយុ ៥៦ឆ្នាំ មានទីលំនៅ ចំណុចភូមិខាលើ បានចងក និងខ្សែនីឡុង ពណ៌ខ្មៅ នៅក្រោមដើមខ្ទុំ ខាងក្រោយផ្ទះរបស់ខ្លួន ។ ប្រពន្ធជនរងគ្រោះឈ្មោះ សុខ គា អាយុ ៥៨ឆ្នាំ បានឲ្យដឹងថា នៅពេលដែលគាត់ត្រឡប់ មកពីឡើងផ្សារវិញ គាត់ទៅកាច់ពោតនៅចំការ មាត់ទន្លេមេគង្គ រហូតដល់ម៉ោង១០ ទើបគាត់ត្រឡប់មកផ្ទះវិញ មិនឃើញប្តីក៏ដើររក ស្រាប់តែប្រទះឃើញប្តី របស់គាត់ចង.ក នៅដើមខ្ទុំ ខាងក្រោយផ្ទះ ស្លាប់បាត់ទៅហើយ ។
ស្ត្រីជាប្រពន្ធបានបញ្ជាក់ទៀតថា ប្តីរបស់គាត់តែងតែ ផឹកស្រាជារៀងរាល់ថ្ងៃ មិនដែលខាន រហូតក្លាយជាមនុស្សប្រមឹក និងមានជំងឺ សរសៃប្រសាទទៀតផង ហើយអ្នកស្រីបាននាំប្តី ទៅព្យាបាលនៅមន្ទីរពេទ្យ ខេត្តកំពង់ចាម និងបើកថ្នាំជម្ងឺផ្លូវចិត្ត តែប្តីគាត់បានថ្នាំហើយ មិនលេបទេ រហូតមានជម្ងឺ កាន់តែធ្ងន់ឡើងៗ រហូតចងក ធ្វើអត្តឃាត ស្លាប់តែម្តងទៅ ។ មន្ត្រីជំនាញបច្ចេកទេស ដែលបានទៅពិនិត្យសព បានបញ្ជាក់ឲ្យដឹងថា ជនរងគ្រោះ ឈ្មោះ កុក ឃឿន ពិតជាស្លាប់ដោយចងក សម្លាប់ខ្លួនពិតមែន ៕
Source from: watphnom-news.com
Loading...
Post a Comment