បើកម៉ូតូមិនទាន់ដល់ផ្ទះផង ត្រូវត្រាក់ទ័របុកស្លាប់យ៉ាងអាណោចអាធ័ម នៅក្នុងថ្លុកឈាម
ខេត្តបន្ទាយមានជ័យ៖យុវជនម្នាក់បានស្លាប់យ៉ាងអាណោចអាធ័មនៅនឹងកន្លែងកើតហេតុដោយសារតៃកុងត្រាក់ទ័រទំនើងឡើងជែងត្រាក់ទ័រមួយគ្រឿងទៀតខ្វះការប្រុងប្រយ័ត្នក៏ជ្រុលចង្កូតទៅបុកម៉ូតូខេត្តបន្ទាយមានជ័យ ៖ យុវជនម្នាក់បានស្លាប់ យ៉ាងអាណោចអាធ័ម នៅនឹងកន្លែងកើតហេតុ ដោយសារតៃកុងត្រាក់ទ័រទំនើង ឡើងជែងត្រាក់ទ័រមួយគ្រឿងទៀត ខ្វះការប្រុងប្រយ័ត្ន ក៏ជ្រុលចង្កូតទៅបុកម៉ូតូ យ៉ាងពេញទំហឹង កាលពីវេលាម៉ោង ៧និង៤០ នាទីយប់ថ្ងៃទី១១ ខែឧសភា ឆ្នាំ២០១៤ នៅលើកំណាត់ផ្លូវជាតិលេខ៦ ត្រង់ចំណុចមុខ មូលដ្ឋានកងរាជអាវុធហត្ថស្រុកព្រះនេត្រព្រះ ស្ថិតក្នុងភូមិ និងឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ។
ជនរងគ្រោះមានឈ្មោះ ណាំ រីណា ភេទប្រុស អាយុ ២៣ឆ្នាំ មានទីលំនៅ ក្នុងភូមិគោកត្រាច ឃុំឈ្នួមានជ័យ ស្រុកព្រះនេត្រព្រះ ខេត្តបន្ទាយមានជ័យ បានស្លាប់នៅនឹងកន្លែងកើតហេតុ គួរអាណោធអាធ័ម។សាក្សីបានឲ្យដឹងថា នៅមុនពេលកើតហេតុ គេបានឃើញត្រាក់ទ័រ ម៉ាក ហ្វត៧៦០០ ពណ៌ខៀវ មួយគ្រឿង ធ្វើដំណើរតាមផ្លូវជាតិ ក្នុងល្បឿនលឿន ទិសដៅទិសខាងកើត ឆ្ពោះទៅទិសខាងលិច ហើយដល់ជាចំណុចកើតហេតុ ជាផ្លូវកោងបានបន្ថែមល្បឿន ដើម្បីឡើងជែងត្រាក់ទ័រ មួយគ្រឿងទៀត ក៏ជ្រុលចង្កូតទៅបុក ម៉ូតូជនរងគ្រោះ ម៉ាកហុងដាឌ្រីម សេ១២៥ បិតតែមឆ្នាំ២០១៣ ពណ៌ខ្មៅ ដែលបើកបរក្នុងទិសដៅច្រាសគ្នា យ៉ាងពេញទំហឹងបណ្តាលឲ្យជនរងគ្រោះ ដាច់ខ្យល់ស្លាប់ភ្លាមៗ។
ចំណែកតៃកុងត្រាក់ទ័របង្ក ក្រោយពេលកើតហេតុ បានទុកត្រាក់ទ័រចោល រួចរត់គេចខ្លួនបាត់ស្រមោលតែម្តង។ សមត្ថកិច្ចនគរបាលចរាចរណ៍ ស្រុកព្រះនេត្រព្រះ ក៏បានចុះទៅកាន់កន្លែងកើតហេតុ ដើម្បីវាស់វែង និងធ្វើកំណត់ហេតុ និងស្រាវជ្រាវ រកក្រុមគ្រួសារជនរងគ្រោះ។ ក្រោយពេល វាស់វែងរួចរាល់ សមត្ថកិច្ចបានយក ត្រាក់ទ័រនិងម៉ូតូជនរងគ្រោះ ទៅរក្សាទុកនៅអធិការដ្ឋាន ស្រុកព្រះនេត្រព្រះ និងតាមស្រាវជ្រាវ រកជនបង្កបើកត្រាក់ទ័រ មកផ្តន្ទាទោសតាមច្បាប់។ ចំណែកសាកសពរងគ្រោះ សមត្ថកិច្ចនគរបាលចរាចរណ៍ បានប្រគល់អោយទៅ ក្រុមគ្រួសារយកទៅធ្វើបុណ្យ តាមប្រពៃណីខ្មែរ៕ ដោយ ចិន្តា
Source from: watphnom-news.com
Loading...
Post a Comment