​លោក​សម រង្ស៊ី​​ទូល​ព្រះ​មហាក្សត្រ​​ពន្យា​ពេល​​ប្រជុំ​សភា​ដល់​ថ្ងៃ​ទី​០៧​ ខែវិច្ឆិកា

9/20/2013 04:55:00 AM

លោកសម រង្ស៊ី ជាថ្មីម្តងទៀតបានទូលថ្វាយព្រះមហាក្សត្រ តាមរយៈលិខិតនៅថ្ងៃទី២០ ខែកញ្ញា ដោយព្រះមហាក្សត្រពន្យារពេលសម័យប្រជុំដំបូងនៃរដ្ឋសភា នីតិកាលទី៥ រហូតដល់គណបក្សសង្គ្រោះជាតិ និង គណបក្សប្រជាជន រកដំណោះស្រាយដោយសន្តិវិធីចំពោះវិវាទ រឺបញ្ហាទាំងឡាយស្របតាមព្រះរាជតម្រិះរបស់ព្រះករុណា។

លោកសមរង្ស៊ីបានទូលព្រះមហាក្សត្រថា យោងតាមមាត្រា៨២ថ្មី នៃរដ្ឋធម្មនុញ្ញ រដ្ឋសភាបើកសម័យប្រជុំដំបូង៦០ថ្ងៃ យ៉ាងយូរក្រោយពេលបោះឆ្នោតតាមការប្រជុំរបស់ព្រះមហាក្សត្រ។

ចំណុចនេះលោកសមរង្ស៊ីបញ្ជាក់ថា យ៉ាងយូរក្រោយពេលបោះឆ្នោត មិនមែនថ្ងៃបោះឆ្នោតទេ គឺថ្ងៃចប់សព្វគ្រប់ប្រកាសលទ្ធផលផ្លូវការ គឺថ្ងៃទី០៨ ខែកញ្ញា ដូច្នេះសម័យប្រជុំសភា អាចពន្យាពេលរហូតដល់ថ្ងៃទី០៧ ខែវិច្ឆិកា ឆ្នាំ២០១៣។(ដោយៈយ៉ាន់ លីណា)

Source from: Vayofm