ខេត្តសៀមរាប៖មានហេតុការណ៍ភ្ញាក់ផ្អើលមួយបានកើតឡើងកាលពីវេលាម៉ោង៤និង៤០នាទីរសៀលថ្ងៃទី២០ខែកញ្ញាឆ្នាំ២០១៣ដោយសារតែគេបានប្រទះឃើញជនបរទេសម្នាក់បានដេកស្លាប់នៅក្នុងបន្ទប់ផ្ទះ សំណាក់យីហោខេត្តសៀមរាប ៖ មានហេតុការណ៍ភ្ញាក់ផ្អើលមួយបានកើតឡើង កាលពីវេលាម៉ោង៤និង៤០នាទីរសៀលថ្ងៃទី២០ ខែកញ្ញា ឆ្នាំ២០១៣ ដោយសារតែគេបានប្រទះឃើញជនបរទេសម្នាក់បានដេកស្លាប់នៅក្នុងបន្ទប់ផ្ទះ សំណាក់យីហោ ភូមិឧទ្យាន ដែលមានទីតាំងស្ថិតក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប។
បើតាមសេចក្តីរាយការណ៍ពីកន្លែងកើតហេតុបានឲ្យដឹងថា ជនរងគ្រោះមានឈ្មោះ VIERIEL THOMAS អាយុ២៦ឆ្នាំ ជាជនហូឡង់ មុខរបរជាភ្ញៀវទេសចរ បានមកស្នាក់នៅក្នុងសំណាក់ខាងលើ តាំងពីថ្ងៃទី១១ ខែកញ្ញា ឆ្នាំ២០១៣។ ប្រភពដដែលបានបន្តឲ្យដឹងទៀតថា មុនពេលកើតហេតុ អ្នកបម្រើផ្នែកអនាម័យបានទៅគោះទ្វារបន្ទប់ជនរងគ្រោះដើម្បីសុំចូលធ្វើការសម្អាត ប៉ុន្តែពុំមាននរណាឆ្លើយតប។ ដោយមានការសង្ស័យ គេបានបើកទ្វារចូលទៅមើល ស្រាប់តែប្រទះឃើញជនរងគ្រោះខាងលើបានដេកស្លាប់នៅលើគ្រែដោយពុំដឹងមូលហេតុ។
បន្ទាប់ពីកើតហេតុ កម្លាំងសមត្ថកិច្ចជំនាញបានចុះទៅធ្វើការកោសល្យវិច្ច័យសាកសព ដោយជាជំហានដំបូងសតមត្ថកិច្ចបានសន្និដ្ឋានជនរងគ្រោះប្រហែលជាស្លាប់ដោយសារតែជំងឺខ្យល់គ។ ប៉ុន្តែចំពោះ មូលហេតុពិតប្រាកដ សមត្ថកិច្ចនៅមិនទាន់បង្ហើបឲ្យដឹងនោះទេ ព្រោះកំពុងតែធ្វើការត្រួតពិនិត្យបន្តទៀត៕
Source from: watphnom-news.com
Loading...
Post a Comment