សម្តេច​ហ៊ុន សែន​និង​លោក​​សម រង្ស៊ី​ជួបគ្នា​ម្តងទៀត ៦នាក់​ទល់​នឹង​៦នាក់

9/15/2013 08:55:00 PM

ថ្នាក់ដឹកនាំនៃគណបក្សប្រជាជនកម្ពុជា និងគណបក្សសង្រ្គោះជាតិបានសម្រេចជួបគ្នាជាថ្មីម្តងទៀតនៅថៃ្ងចន្ទ ទី១៦ ខែកញ្ញា ២០១៣ វេលាម៉ោង៩ព្រឹក នៅមន្ទីររដ្ឋសភាជាតិ។ លោក ជាម យៀបមន្រ្តីជាន់ខ្ពស់គណបក្សប្រជាជនកម្ពុជា បានអោយដឹងថា សម្តេចហ៊ុន សែន នឹងដឹកនាំមន្ត្រីជាន់ខ្ពស់គណបក្សប្រជាជនកម្ពុជាចំនួន ៥រូបទៀត ពិភាក្សាជាមួយគណបក្សសង្រ្គោះជាតិ។
ប៉ុន្តែកិច្ចពិភាក្សានេះនឹងពិភាក្សាតែលើការជជែកចរចាអំពី រចនាសម្ព័ន្ធដឹកនាំរដ្ឋសភា អាណត្តិថ្មី មិនមែនចចារដើម្បីបង្កើតគណៈកម្មការចម្រុះនោះទេ។

គួរបញ្ជាក់ថា សមាសភាពចូលរួមប្រជុំនៅថ្ងៃចន្ទទី១៦ខែកញ្ញានេះ គណបក្សប្រជាជនមាន៖លោកនាយករដ្ឋមន្រ្តី ហ៊ុន សែន លោក ស ខេងសក់ សេដ្ឋា លោក សាយ ឈុំ និង លោក សោម សឿន។

រីឯសមាសភាពគណបក្សសង្គ្រោះជាតិ គឺលោកសម រង្ស៊ី លោក កឹម សុខា លោក ប៉ុល ហំម លោកយឹម សុវណ្ណ លោក អេង ឆៃអ៊ាង លោក គួយ ប៊ុនរឿន៕(វាយោ)