ជំនួបមិនដល់កន្លះម៉ោង រវាងលោកនាយករដ្ឋមន្ត្រី ហ៊ុន សែន និង លោក សម រង្ស៊ី ក្រោមអធិបតីភាពរបស់ព្រះមហាក្សត្រ នៅព្រឹកថ្ងៃសៅរ៍នេះ ហាក់ដូចជាមិនបានលទ្ធផលអ្វីជាដុំកំភួននោះទេ។ នៅក្នុងកិច្ចប្រជុំ ព្រះមហាក្សត្របានយកលិខិត អញ្ជើញចំនួន ៦៨ ប្រគល់ជូនលោកនាយករដ្ឋមន្ត្រី ហ៊ុន សែន និង លិខិត អញ្ជើញចំនួន ៥៥ កោះអញ្ជើញតំណាងរាស្រ្តទាំងអស់ ចូលរួមបើកសម័យប្រជុំសភាជាលើកដំបូង នៅថ្ងៃទី២៣ ខែកញ្ញា ឆ្នាំ២០១៣ខាងមុខនេះ។
យ៉ាងណាក៏ដោយគណបក្សសង្គ្រោះជាតិ នៅព្រឹកថ្ងៃសៅរិ៍នេះ បានធ្វើសន្និសីទសារព័ត៌មានភា្លមៗ ដោយបញ្ជាក់ថា គណបក្សសង្គ្រោះជាតិ កំពុងពិចារណាការចូលរួមប្រជុំសភាលើកដំបូង បន្ទាប់ពីទទួលបានលិខិតរបស់ព្រះមហាក្សត្រ ។
គួរបញ្ជាក់ថា ថ្ងៃដែលព្រះមហាក្សត្រកោះអញ្ជើញថ្នាក់ដឹកនាំនៃគណបក្សទាំងពីរ គឺមុនមួយថ្ងៃ នៃថ្ងៃធ្វើមហាបាតុកម្មរបស់គណបក្សសង្គ្រោះជាតិជាលើកទី២។កិច្ចប្រជុំនេះមានលោកនាយរដ្ឋមន្ត្រីហ៊ុន សែន អនុប្រធានគណបក្សប្រជាជនកម្ពុជា និងសហការី០២រូប រួមមាន លោក សាយ ឈុំ និងលោក ស ខេង។ដោយឡែកសម្រាប់គណបក្សសង្គ្រោះជាតិគឺលោក សម រង្ស៊ី លោក កឹម សុខា និងលោកស្រី ជូឡុង សូមួរ៉ា។
Source from: Vayofm
Loading...
Post a Comment