ខេត្តបាត់ដំបង៖បន្ទាប់ពីការស្រាវជ្រាវលើករណីឃាតកម្មដ៏សាហាវព្រៃផ្សៃសមត្ថកិច្ចនគរបាលស្រុកកំរៀងបានឃាត់ខ្លួនជនដៃដល់និងបក្ខពួកចំនួនខេត្តបាត់ដំបង ៖ បន្ទាប់ពីការស្រាវជ្រាវ លើករណីឃាតកម្ម ដ៏សាហាវព្រៃផ្សៃ សមត្ថកិច្ចនគរបាលស្រុកកំរៀង បានឃាត់ខ្លួនជនដៃដល់ និងបក្ខពួកចំនួន ៤នាក់ កាលពីវេលាម៉ោង ៩យប់ថ្ងៃទី១៧ ខែតុលា ឆ្នាំ២០១៣ នៅស្រុកបវេល និងស្រុកកំរៀង ខេត្តបាត់ដំបង ទាក់ទិនការកាប់បុរសម្នាក់ចំនួន ២ ពូថៅស្លាប់ នៅក្នុងវិទ្យាល័យកំរៀង រួចប្លន់យកម៉ូតូ មួយគ្រឿងនិងទូរស័ព្ទមួយគ្រឿង យកទៅលក់បញ្ចាំ ហើយបានកសាងសំណុំរឿង បញ្ជូនទៅស្នងការនគរបាលខេត្ត កាលពីរសៀលថ្ងៃទី១៨ ខែតុលា ឆ្នាំ២០១៣ ចាត់ការតាមផ្លូវច្បាប់។
ជនសង្ស័យដែលត្រូវ ឃាត់ខ្លួនរួមមានទី១-ឈ្មោះ ញឹម សំអាត ហៅសេម អាយុ ៣៦ ឆ្នាំជាជនដៃដល់ មានទីលំនៅក្នុងភូមិសាំងរាំង ឃុំបវេល ស្រុកបវេល ខេត្តបាត់ដំបង ទី២-ឈ្មោះ ហ៊ីមរ៉ូសាលី អាយុ ៣៨ ឆ្នាំជាអ្នកទទួលផលចោរកម្ម មានទីលំនៅភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង ទី៣-ឈ្មោះ ម៉ន សុឃឿន អាយុ ២៦ ឆ្នាំនិងទី៤-ឈ្មោះ ទូច ទី ភេទស្រីអាយុ ៣៣ ឆ្នាំទាំងពីរនាក់ ជាប្តីប្រពន្ធនឹងគ្នា ជាអ្នកចេញមុខធានាបញ្ចាំម៉ូតូ និងមានទីលំនៅក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង។
ក្រោយការឃាត់ខ្លួន សមត្ថកិច្ចក៏បានដកហូតវត្ថុតាង រួមមានម៉ូតូម៉ាកឌ្រីម ស៊េរីឆ្នាំ២០០៨ ចំនួន១គ្រឿង និងទូរស័ព្ទម៉ាកអាយហ្វូន៤ ចំនួន១គ្រឿង។ ចំណែកបុរសរងគ្រោះដែលស្លាប់មានឈ្មោះ ទេព ទិត្យសំអុល អាយុ ១៩ ឆ្នាំជាសិស្សរៀនថ្នាក់ទី១២ វិទ្យាល័យបវេល មានឪពុកឈ្មោះ ទេព ស៊ាន និងម្តាយឈ្មោះ ឡឹក ផល្លី រស់នៅភូមិសាំងរាំង ឃុំស្រុកបវេល ខេត្តបាត់ដំបង ត្រូវបានប្រទះឃើញដេកស្លាប់ ក្នុងថ្លុកឈាមមានរបួសចំនួន ២ ពូថៅ ក្នុងបរិវេណសាលាវិទ្យាល័យកំរៀង កាលពីម៉ោង ៧ព្រឹកថ្ងៃទី១៥ ខែតុលា ឆ្នាំ២០១៣។
បុរសជាឃាតកឈ្មោះ ញឹម សំអាត ហៅសេម បានសារភាពថា នៅថ្ងៃកើតហេតុខ្លួនបានទូរស័ព្ទ ហៅជនរងគ្រោះដើរលេង នៅឃុំក្តុលតាហែន ស្រុកបវេល រួចក៏បន្តដំណើរមកស្រុកកំរៀង រកកន្លែងសេពគ្រឿងញៀន។ នៅពេលជិះម៉ូតូមកដល់ មុខវិទ្យាល័យកំរៀង ខ្លួនក៏និយាយថា ចូលសាលាជុះនោម ហើយពេលជនរងគ្រោះកំពុងឈឺនោម ខ្លួនក៏ហក់កាប់ជនរងគ្រោះពីក្រោយ មួយពូថៅហើយជនរងគ្រោះប្រកាច់ បែរមុខមកក៏កាប់មួយពូថៅទៀត រហូតដាច់ខ្យល់តែម្តង។ បន្ទាប់មកក៏យកទូរស័ព្ទ និងម៉ូតូទៅរកលក់និងបញ្ចាំ នៅផ្ទះឈ្មោះ ហ៊ីម រ៉ូសាលី ដោយឲ្យឈ្មោះ ម៉ន សុឃឿន និងឈ្មោះ ទូច ទី ទាំងពីរនាក់ ជាប្តីប្រពន្ធជួយធានា៕
Source from: watphnom-news.com
Loading...
Post a Comment