រាជធានីភ្នំពេញ៖បន្ទាប់ពីនាំគ្នាផឹកទឹកត្នោតជូរស្រវឹងជោកជាំស្ថិតនៅក្នុងភូមិសំបួរសង្កាត់ដង្កោខណ្ឌដង្កោយុវជន រាជធានីភ្នំពេញ ៖ បន្ទាប់ពីនាំគ្នាផឹកទឹកត្នោតជូរ ស្រវឹងជោកជាំ ស្ថិតនៅក្នុងភូមិសំបួរ សង្កាត់ដង្កោ ខណ្ឌដង្កោ យុវជន ២ក្រុមមានគ្នា ៥ទៅ៦ នាក់ បានទាស់ពាក្យសំដីគ្នា ដោយសារតែរឿងស្រីញី រហូតផ្ទុះកំហឹងទ្រាំមិនបាន យកដាវស៊ាំម៉ូរៃកាប់គ្នា យ៉ាងអនាធិបតេយ្យ ដោយភាគីម្ខាងបែកក្បាល និងភាគីម្ខាងទៀត ត្រូវរងរបួសដាច់ម្រាមដៃ ៣ កាលពីវេលាម៉ោង ១៦និង៣០ នាទីល្ងាចថ្ងៃទី២០ ខែតុលា ឆ្នាំ២០១៣។
ភាគីដែលរងរបួសរួមមានទី១- ឈ្មោះ ហេង សុសាន្ត ភេទប្រុស អាយុ ១៩ឆ្នាំ និងម្នាក់ទៀតឈ្មោះ ហេង ស៊ីថា ភេទប្រុស អាយុ ១៧ឆ្នាំ ស្នាក់នៅជិតចំណុចកើតហេតុ ហើយពួកគេទាំង ២នាក់ត្រូវរងរបួសដាច់ម្រាមដៃ។ ចំណែកភាគីបែកក្បាលទី១-ឈ្មោះ ជា ហូយ ភេទប្រុស អាយុ ២១ឆ្នាំ និងម្នាក់ទៀតឈ្មោះ ដូរ ដុំ ភេទប្រុស អាយុ ២០ឆ្នាំ ពួកគេទាំង២នាក់ ជាកម្មករសំណង់ ស្នាក់នៅក្នុងភូមិ សំបួរ សង្កាត់ដង្កោ ខណ្ឌដង្កោ។
មុនពេលកើតហេតុគឺភាគីទាំង២ បានមកអង្គុយផឹកស៊ីនៅជិតគ្នា ក្នុងតូបលក់ទឹកត្នោតជូរ លុះផឹកស៊ីស្រវឹងជោគជាំរៀងៗខ្លួនក៏លេច មុខនារីម្នាក់ដែលភាគីទាំង ២ លួចស្រឡាញ់ តាំងពីយូរមកហើយ។ ខណៈនារីរូបនោះចូលមកដល់កន្លែងកើតហេតុ ភាគីទាំងពីរបាននិយាយ លេងសើចជាមួយនាងរហូត បណ្ដាលឲ្យភាគីទាំង២ ឈ្លោះប្រកែកគ្នា ឈានដល់ផ្ទុះហិង្សា មានការភ្ញាក់ផ្អើល ដល់សមត្ថកិច្ចមូលដ្ឋាន ចុះមកអន្តរាគមន៍ភ្លាមៗផងដែរ ៕
Source from: watphnom-news.com
Loading...
Post a Comment