ខេត្តកំពត៖ម៉ូតូពីរគ្រឿងបានបោលបុកគ្នាបណ្តាលឲ្យស្ដ្រីម្នាក់បានស្លាប់ពេលដឹកបញ្ជូនទៅដល់មន្ទីរពេទ្យបង្អែកខេត្ដកំពត រីឯប្ដីរបស់នាងបានរងរបួសធ្ងន់ខេត្តកំពត ៖ ម៉ូតូពីរគ្រឿងបានបោលបុកគ្នា បណ្តាលឲ្យស្ដ្រីម្នាក់ បានស្លាប់ពេលដឹកបញ្ជូន ទៅដល់មន្ទីរពេទ្យបង្អែកខេត្ដកំពត រីឯប្ដីរបស់នាង បានរងរបួសធ្ងន់ ហើយបុរសជនជាតិ អង់គ្លេសម្នាក់ ក៏បានរងរបួសផងដែរ កាលពីវេលាម៉ោង ៧និង៣៥ នាទីព្រឹកថ្ងៃទី១៨ ខែតុលា ឆ្នាំ២០១៣ ស្ថិតនៅផ្លូវចូលកុងស៊ីកប់ខ្មោច លើកំណាត់ផ្លូវ ពីទីរួមខេត្ដកំពត ចូលទៅរមនីយដ្ឋានទឹកឈូ ក្នុងភូមិអូរតូច សង្កាត់អណ្ដូងខ្មែរ ក្រុងកំពត ខេត្ដកំពត ។
ស្ដ្រីរងគ្រោះឈ្មោះ ជា មុំ អាយុ ៤២ ឆ្នាំ ជាកសិករ និងប្ដីឈ្មោះ ឈុន ជួន ហៅ ស៊ាន់ អាយុ ៤៦ ឆ្នាំ ជា កសិករ រស់នៅភូមិ-សង្កាត់ កើតហេតុខាងលើ ។ មុនពេលកើតហេតុ បុរសជាប្ដីបានបើកម៉ូតូម៉ាក សេ ១២៥ ស៊េរី២០០៨ ពណ៌ខ្មៅ ពាក់ស្លាកលេខ កំពត ១សេ ៥៥១៤ ឌុបប្រពន្ធ របស់ខ្លួន លុះដល់ចំណុចកើតហេតុ បានបុកជាមួយបុរស ជនជាតិអង់គ្លេស ពេលកំពុងជិះម៉ូតូ មួយទំហឹងតែម្តង។
បុរសជនជាតិអង់គ្លេស ដែលរងរបួសធ្ងន់ មានឈ្មោះ អូលីវ័រ ហ្គី អាយុ ៣២ ឆ្នាំ ជាអ្នករកស៊ី ស្នាក់នៅ ក្នុងរមណីយដ្ឋានទឹកឈូ ភូមិស្នំប្រាំពីរ ឃុំ ម៉ាក់ប្រាំង ស្រុកទឹកឈូ ខេត្ដកំពត ជិះម៉ូតូ ត្រៃពណ៌ស អត់ពាក់ស្លាកលេខ ។ គ្រោះថ្នាក់ចរាចរណ៍នេះ បណ្ដាលមកពីបុរស ជនជាតិអង់គ្លេស បើកម៉ូតូលឿន ហើយប្រជែងរថយន្ដធុនធំ១គ្រឿង ស្របទិសគ្នា បណ្ដាលឱ្យបុកជនរងគ្រោះ ២នាក់ប្ដី- ប្រពន្ធយ៉ាងពេញទំហឹង៕
Source from: watphnom-news.com
Loading...
Post a Comment