ខេត្តកំពង់ឆ្នាំង៖រថយន្តដឹកត្រីមួយគ្រឿងបើកលឿនពេកដល់ចំណុចផ្លូវបត់កោងមិនបង្អង់ល្បឿងបណ្តាលឲ្យគ្រលែងធ្លាក់បុរស២នាក់ខេត្តកំពង់ឆ្នាំង ៖ រថយន្តដឹកត្រីមួយគ្រឿង បើកលឿនពេក ដល់ចំណុចផ្លូវបត់កោង មិនបង្អង់ល្បឿង បណ្តាលឲ្យគ្រលែងធ្លាក់បុរស ២នាក់ ពីលើដំបូលរថយន្ត រងរបួសធ្ងន់ធ្ងរសន្លប់ នៅកន្លែងកើតហេតុ នៅលើផ្លូវជាតិលេខ៥ កាលពីវេលាម៉ោង ៩និង១០ នាទីព្រឹកថ្ងៃទី១៨ ខែតុលា ឆ្នាំ២០១៣ នៅចំណុចផ្លូវបត់កោង មុខសាលាបំពេញវិជ្ជារៀបរយខេត្ត ស្ថិតក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង។
រថយន្តបង្កម៉ាក ហ៊ីយ៉ាន់ដាយចំណុះ ១តោនកន្លះ ពណ៌ស ពាក់ស្លាកលេខ ភ្នំពេញ 2N-4944 ត្រឡប់ ពីភ្នំពេញចូលមកក្រុងកំពង់ឆ្នាំង បានបើកបរយ៉ាងលឿន មកដល់ចំណុចកើតហេតុ ជាផ្លូវបត់កោងក៏បានគ្រលែងធ្លាក់ បុរសពីរនាក់ដែលជិះនៅលើ ដំបូលកាបីនរថយន្ត មកលើថ្នល់ជាតិបណ្តាលឲ្យពួកគេរងរបួស បែកមុខមាត់ដៃជើងយ៉ាងធ្ងន់ធ្ងរ សន្លប់នៅកន្លែងកើតហេតុ។
ជនរងគ្រោះទាំង ២នាក់នោះ ជាជនជាតិវៀតណាម ពួកគេមិនបានប្រាប់ឈ្មោះឲ្យដឹងនោះទេ ហើយរស់នៅសង្កាត់ផ្សារឆ្នាំង ក្រុងកំពង់ឆ្នាំង មានមុខរបរជាអ្នកទិញលក់ត្រី។ ចំណែកអ្នកបើកបរក៏ជាជនជាតិវៀតណាមដូចគ្នា ពេលឃើញពួកគេធ្លាក់ពីលើរថយន្ត ដោយសារខ្លួនបើកលឿនពេកនោះ អ្នកបើកបរក៏បានចុះរត់គេចខ្លួនបាត់តែម្តង។ រថយន្តបង្កហេតុត្រូវបាន សមត្ថកិច្ចយកមករក្សាទុក នៅអធិការដ្ឋាននគរបាល ក្រុងកំពង់ឆ្នាំងដើម្បីឲ្យអ្នកបើកបរ ចូលខ្លួនមក ដោះស្រាយតាមផ្លូវច្បាប់ ជាមួយជនរងគ្រោះ៕
Source from: watphnom-news.com
Loading...
Post a Comment