ប្រទេសចិន៖ប្រព័ន្ធផ្សព្វផ្សាយរបស់រដ្ឋ TheLiberationDailyបានផ្សាយកាលពីថ្ងៃទី១៨ខែតុលា ប្រទេសចិន ៖ ប្រព័ន្ធផ្សព្វផ្សាយរបស់រដ្ឋ The Liberation Daily បានផ្សាយកាលពីថ្ងៃទី១៨ ខែតុលា ថា ប្តីប្រពន្ធក្មេងៗ២នាក់ នៅប្រទេសចិនកំពុងប្រឈម នឹងការដាក់ទោស ពីបទឧក្រិដ្ឋជួញដូរមនុស្ស ដោយសាររឿងលក់កូនស្រីទី ៣របស់ពួកគេ ផ្សព្វផ្សាយតាមវេបសាយ និងបានយកប្រាក់នេះ ដើម្បីទិញទូរស័ព្ទ Ipone របស់ក្រុមហ៊ុន Apple។
ពួកអ្នកស៊ើបអង្កេតបានរកឃើញថា ម្តាយរបស់ទារក ដែលមិនបានផ្តល់ឈ្មោះពេញ បានប្រើប្រាស់ប្រាក់នេះ ដើម្បីទិញ Iphone មួយគ្រឿង ស្បែកជើងកីឡា និងរបស់ផ្សេងៗទៀត។ ផលិតផលរបស់ក្រុមហ៊ុន Apple មានប្រជាប្រិយយ៉ាងខ្លាំង នៅប្រទេសចិន ដែលក្មេងជំទង់ម្នាក់ បានលក់តម្រងនោមរបស់ខ្លួន ដើម្បីយកប្រាក់ទិញ Iphone និង Ipad ដែលបញ្ហានេះ បានកើតឡើងកាលពីឆ្នាំទៅ។
ប៉ុន្តែប្តីប្រពន្ធទាំងពីរនាក់នេះ បាននិយាយប្រាប់ប៉ូលិសថា ពួកគេចង់ឲ្យកូនស្រីរបស់ពួកគេ ទទួលបាននូវការចិញ្ចឹម និងការអប់រំបានល្អជាងពួកគេ ដោយសារពួកគេ មានកូនពីរនាក់រួចហើយ ។ ឪពុករបស់កូនស្រីនេះបានិយាយថា «ផ្តល់មធ្យោបាយដល់កូន មិនមែនដើម្បីទទួលនូវ ផលប្រយោជន៍នោះទេ ប៉ុន្តែគឺដើម្បីផ្តល់ឲ្យកូន មានការធានា កាន់តែល្អជាងនេះ»។
ប្រជាជនម្នាក់បាននិយាយថា «មនុស្សនេះមិនសម ទទួលបានសិទ្ធិធ្វើជា ឪពុកម្តាយនោះទេ» « ពួកគេមានឈាមត្រជាក់ណាស់»។ របាយការណ៍មិនបានផ្តល់ ចំនួនប្រាក់ដែលពួកគេ ទទួលបាននោះទេ ប៉ុន្តែវេបសាយរបស់ពួកគេ បានដាក់ស្នើ ៤.៩០០ ដុល្លារ និង ៨.២០០ ដុល្លារ។ ក្រុមហ៊ុន Apple កាលពីខែកន្លងមក បានចាប់ផ្តើមលក់ Iphone5 ដោយរួមទាំងគំរូ ស្រោបមាសផងនោះ និង Iphone5c នៅប្រទេសចិន៕
Source from: watphnom-news.com
Loading...
Post a Comment