ខេត្តកណ្តាល៖ប្រជាពលរដ្ឋរស់នៅក្នុងស្រុកកោះធំនិងស្រុកស្អាងខេត្តកណ្តាល បានរអ៊ូរទាំនិងសម្តែងភាពក្តៅក្រហាយខេត្តកណ្តាល ៖ ប្រជាពលរដ្ឋរស់នៅ ក្នុងស្រុកកោះធំ និងស្រុកស្អាង ខេត្តកណ្តាល បានរអ៊ូរទាំ និងសម្តែងភាពក្តៅក្រហាយ ចំពោះភាពអនាធិបតេយ្យ នៃការប្រើប្រាស់រថយន្ត ដឹកជញ្ជូនគ្រឿងសំណង់ ផ្ទុកលើសទម្ងន់ ក៏ដូចជាការប្រើប្រាស់ផ្លូវសាធារណៈ សម្រាប់សាងទំនិញបង្កផលប៉ះពាល់ ដល់អ្នកដំណើរជាទូទៅ ប៉ុន្តែគេមិនដែលឃើញមន្ត្រីជំនាញ និងសមត្ថកិច្ចពាក់ព័ន្ធ យកចិត្តទុកដាក់ ដោះស្រាយបញ្ហានេះទេ។ សូម្បីតែមានការផ្លាស់ប្តូរ អភិបាលខេត្តរួចហើយក៏ដោយ ក៏អ្វីៗ នៅតែដដែល ដូច្នេះហើយបានជាប្រជាពលរដ្ឋ នាំគ្នាទទូចសុំឲ្យក្រសួងពាក់ព័ន្ធ ពិនិត្យមើលបញ្ហានេះឡើងវិញផង ព្រោះគេសង្ស័យថា ទំនិញជាប្រភេទគ្រឿងសំណង់ ដែលដឹកជញ្ជូនតាមសាឡង់ធំៗ ចូលតាមច្រកជ្រៃធំ របស់លោកផ្កាយ២ ឡៅ តុងហាន ជាផ្នែកមួយដែលកំពុងធ្វើឲ្យខាតបង់ចំណូលពន្ធ ច្រើនសន្ធឹកសន្ធាប់។
លោកផ្កាយ២ ឡៅ តុងហាន ដែលជាប្រធានក្រុមហ៊ុន ហង្ស បានធ្វើសកម្មភាព នាំចូលគ្រឿងសំណង់គ្រប់ប្រភេទ មកពីស្រុកយួនតាមច្រក ជ្រៃធំរាប់សិបឆ្នាំមកហើយ ដឹកជញ្ជូនលើសទម្ងន់ធ្វើឲ្យ ខូចខាតផ្លូវស្ពានជាញឹកញាប់ គ្មានក្រែងញញើតអ្វីនោះឡើយ ហើយសមត្ថកិច្ចនិងជំនាញពាក់ព័ន្ធ ឲ្យតែក្រឡេកឃើញរថយន្ត ដឹកជញ្ជូនគ្រឿងសំណង់របស់លោក ឡៅ តុងហាន ដែលមានឈ្មោះហង្ស ជាសញ្ញាសម្គាល់ គឺគ្មាននរណាម្នាក់ ហ៊ានទៅក្បែរទេ។ លោកផ្កាយ២ ឡៅ តុងហាន បាននាំចូលគ្រឿងសំណង់ ដឹកជញ្ជូនតាមសាឡង់ធំៗ ដែលក្នុងមួយសាឡង់ៗ ផ្ទុកកុងតឺន័រច្រើនសន្ធឹកសន្ធាប់ មិនមានការបង់ពន្ធ ត្រឹមត្រូវនោះទេ គឺលោក ឡៅ តុងហាន បានប្រើប្រាស់អំណាច និងមុខតំណែងរបស់គាត់ ក្នុងការរកស៊ីនាំចូល គ្រឿងសំណង់តាមរូបភាព បង់ពន្ធមិនគ្រប់ឬទំនាក់ទំនង ជាមួយជំនាញគយ ឲ្យ មានការលើកលែងពន្ធតែម្តង។
ប្រជាពលរដ្ឋរស់នៅក្នុងស្រុកស្អាង បានបង្ហើបឲ្យដឹងទៀតថា ជារៀងរាល់ថ្ងៃមានកប៉ាល់ និងសាឡង់ធំៗដឹកកុងតឺន័ រគ្រប់ប្រភេទប្រមាណ ១០ទៅ២០ គ្រឿងតាម ច្រកព្រំដែនជ្រៃធំ មកចូលចតតាមច្រាំងទន្លេបាសាក់ ក្នុងភូមិសាស្ត្រស្រុកស្អាង ដែលផ្ទុយពីគោលការណ៍របស់គយ ព្រោះជាធម្មតា ការនាំចូលទំនិញត្រូវតែយកទៅ លើកដាក់នៅកំពង់ផែ ឬផែស្ងួត ដែលគេនិយមហៅថា ផែចុងទី ប៉ុន្តែលោកផ្កាយ២ ឡៅ តុងហាន មានសិទ្ធិអំណាចឡើងទំនិញ តាមច្រាំងទន្លេយ៉ាងអនាធិបតេយ្យ បង្ហាញយ៉ាងច្បាស់ថា គ្រឿងសំណង់ដែលលោកផ្កាយ២ ឡៅ តុងហាន នាំចូលពីស្រុកយួននោះ មានភាពមិនប្រក្រតី ឬបង់ពន្ធមិនគ្រប់ ដែលទាមទារឲ្យសមត្ថកិច្ចពាក់ព័ន្ធ ពិនិត្យមើលឡើងវិញផង ឲ្យស្របតាមគោលការណ៍ កែទម្រង់របស់រាជរដ្ឋាភិបាល។
មន្ត្រីតូចតាចមួយចំនួន បានធ្លោយឲ្យដឹងថា គ្រឿងសំណង់របស់លោកផ្កាយ២ឡៅ តុងហាន ដែលនាំចូល តាមច្រកជ្រៃធំនេះ ធ្វើឡើងដោយការប្រើប្រាស់ ឥទ្ធិពលអំណាច និងក្រោមស្បែកជាយោធា ដែលគេសង្ស័យថា មិនមានការបង់ពន្ធត្រឹមត្រូវ គ្រប់ចំនួននោះទេ ធ្វើឲ្យរដ្ឋខាតបង់ចំណូលពន្ធ រាប់ពាន់លានរៀលក្នុងមួយខែៗ នេះមិនទាន់និយាយដល់ ការខូចខាតស្ពាន និងផ្លូវដោយសារតែការដឹកជញ្ជូ នលើសទម្ងន់នោះទេ។ មានការបញ្ជាក់ផងដែរថា សម្រាប់ការនាំចូលទំនិញប្រភេទគ្រឿងសំណង់ របស់លោកផ្កាយ២ ឡៅ តុងហាន មិនត្រឹមតែបង់ពន្ធជូនរដ្ឋមិនគ្រប់ចំនួនប៉ុណ្ណោះទេ សូម្បីតែមន្ត្រីជំនាញនិងសមត្ថកិច្ចតូចតាច គឺពួកគេមិនហ៊ានទៅក្បែរផង ជាពិសេសការបំផ្លាញ ផ្លូវជាតិលេខ២១បេ ក៏លោក ផៃ ប៊ុនឈឿន រក្សាភាពស្ងៀមស្ងាត់ មិនដែលមានវិធានការម្តងណាឡើយ៕
Source from: watphnom-news.com
Loading...
Post a Comment