ខេត្តព្រះសីហនុ៖ជនបរទេសម្នាក់បានស្លាប់ភ្លាមៗនៅនឹងកន្លែងកើតហេតុហើយស្ត្រី២នាក់ទៀតដែលក្នុងនោះមានខ្មែរម្នាក់ខេត្តព្រះសីហនុ ៖ ជនបរទេសម្នាក់ បានស្លាប់ភ្លាមៗ នៅនឹងកន្លែងកើតហេតុ ហើយស្ត្រី ២នាក់ទៀត ដែលក្នុងនោះមានខ្មែរម្នាក់ រងរបូសធ្ងន់សន្លប់ស្តូកស្តឹង សល់តែដង្ហើមចង្រិត ក្នុងករណីគ្រោះថ្នាក់ចរាចរណ៍ដ៏រន្ធត់មួយ បង្កឡើងដោយម៉ូតូធំម៉ាករីបែល បើកបុកជាមួយរថយន្ត ឡិចស៊ីស កាលពីវេលាម៉ោង ២១និង៥០ នាទីយប់ ថ្ងៃទី២៤ ខែវិច្ឆិកា ឆ្នាំ២០១៣ នៅតាមបណ្តោយផ្លូវឯករាជ្យ នៅត្រង់ចំណុចខាងមុខ ផ្ទះសំណាក់ណាសា ស្ថិតក្នុងភូមិលេខ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។
សាក្សីបានឲ្យដឹងថា គេឃើញជនបរទេសចំនួន ២នាក់ គឺស្រីមួយប្រុសមួយ បានជិះម៉ូតូម៉ាក រីបែល ពណ៌ខ្មៅ ពាក់ស្លាកលេខ ភ្នំពេញ 1AE1785 ឌុបគ្នាបើកបរក្នុងល្បឿនលឿន ដូចគេហោះក្នុងគោលដៅ ពីភ្លើងស្តុបមន្ទីរពេទ្យ ចំការចេកឆ្ពោះទៅទិសខាងលិច លុះបើកបរមកដល់ចំណុចកើតហេតុ ក៏ស្រាប់តែវ៉ាក់ជាមួយនិងរថយន្ត ម៉ាកឡិចស៊ីស ពណ៌ខ្មៅ ពាក់ស្លាកលេខ ភ្នំពេញ 2L3309 ដែលបើកឆ្លងផ្លូវកាត់ពីមុខ គេចមិនទាន់ក៏បុក យ៉ាងពេញទំហឹងចំទ្វារផ្នែកខាងមុខ បណ្តាលឲ្យជនបរទេស ជាអ្នកបើកម៉ូតូស្លាប់ភា្លមៗនៅនឹងកន្លែង ហើយស្រី្តដែលជិះពីក្រោយ បានរងរបួសធ្ងន់សន្លប់ស្តូកស្តឹង ដោយសារតែដួលបោកក្បាល ទៅលើផ្លូវថ្នល់។
ចំណែកស្ត្រីម្នាក់ ដែលជិះនៅក្នុងរថយន្ត ក៏រងរបួសធ្ងន់ធ្ងរផងដែរ ដោយសារតែកម្លាំងម៉ូតូ បុកផ្ទប់ជានួយទ្វាររថយន្ត រីឯអ្នកបើកបររថយន្ត រងរបួសបន្តិចបន្តួចប៉ុណ្ណោះ។ អ្នកបើករថយន្តឡិចស៊ីស មានឈ្មោះ មាស វ៉ាន់សាក់ ភេទប្រុស អាយុ ២៨ឆ្នាំ រងរបួសបន្តិចបន្តួច រួមដំណើរជាមួយស្ត្រីម្នាក់ទៀតឈ្មោះ រស់ ខាត់រីយ៉ា អាយុ ២៧ ឆ្នាំរងរបួសធ្ងន់ អ្នកទាំងពីរមានទីលំនៅភ្នំពេញ បានមកខេត្តព្រះសីហនុ ដើម្បីចូលរួមពិធីមង្គលការបងប្អូន ហើយស្ត្រីរងគ្រោះត្រូវបាន បញ្ជូនមកកាន់មន្ទីរពេទ្យ ក្រុងភ្នំពេញ ដើម្បីជួយសង្គ្រោះផងដែរ៕
Source from: watphnom-news.com
Loading...
Post a Comment